JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kongresu AJTL ba da IV, Nafatin luta ba liberdade imprensa no espresaun

Kongresu AJTL ba da IV, Nafatin luta ba liberdade imprensa no espresaun

Asosiasaun Jornalista Timor Lorosa’e (AJTL), hala’o kongresu ba da IV ne’ebé ho tema, hamutuk hametin no defende independensia editorial no kontinua nafatin luta ba liberdade imprensa no esperasaun. 

Nune’e, kongresu nasionál AJTL nian ba da ha’at ne’ebé hala’o iha salaun TVE Rai Kotu-Díli, diskuti kona-ba estatuta asosiasaun nian.

Iha diskusaun ne’e, konsege hasai rezolusaun atu harii komisaun permanente ida atu hadia estatutu AJTL nian no prepara halo rejistu iha notariadu.

Iha diskusaun ne’e aprova relatóriu estrutura AJTL nian iha tinan 2015 to’o 2019 no halo mós demisaun ba estrutura AJTL nian, Asosiasaun Jornalista Timor Lorosa’e hanesan fatin ida ne’ebé jornalista sira hamahan-an ba.

Prezidente eleitu, Zevonia Vieira, hateten, durante nia mandatu tinan 4 mai sei fó prioridade ba programa formasaun ba jornalista membru AJTL sira,  li-liu estudante komunikasaun sosial sira.

 “Sai jornalista diak atu labele fó sai informasaun ne’ebé la los, AJTL halo iha periodu ne’e, atu forma jornalista ne’ebé diak liu, atu nune’e fó sai informasaun tuir kode étika jornalizmu nian, hamutuk nafatin luta ba liberdade imprensa no mós espresaun, fó mós espasu ba estudante no mós estajíariu komunikasaun sosial atu la lakon oportunidade atu aprende kona-ba mundu jornalizmu atu sira mós prepara an bainhira sai jornalizta, no bele ona sai ponte ba iha sosiedade no mós ba audiénsia” hateten, Prezidente Eleitu, Zevonia Vieira ba Jornalista sira iha salaun TVE, Sábadu (08/02/2020).

Iha fatin hanesan, Amito Qonusere Araújo, hanesan mós kandidatu ba prezidente AJTL ne’ebé lakon iha eleisaun hateten, mesmu lakon iha kompetisaun kargu prezidente asosiasaun jornalista ne’e, maibé nia sei serbisu hamutuk nafatin ho prezidente eleitu atu bele hadia diak liu tan serbisu iha AJTL

Lee hotu :   Misa Domingu Loron-15 Fulan-Outubro Tinan-2017 "IGREJA MOTAEL DILI"

“Ita nafatin kontribui para atu bele hadia diak liu tan asosiasaun tuir programa sira ne’ebé mak ita karik preokupasaun husi jornalista balun ita nafatin kontribui no nafatin kolabora ho kolega ne’ebé pasa, ba oin serbisu hamutuk nafatin”,dehan, Amito Qonusere Araújo.

Nune’e mos, Prezidente sesante, David Hugo, husu ba prezidente eleitu ho nia estrutura atu hadia diak liu tan programa sira ne’ebé mak la konsege remata iha sira nia mandate.

“Husu estrutura foun atu hadia buat balun rekomenda buat balun ne’ebé mak iha ami nia mandatu ami la konsege halo no la konsege hadia, husu nafatin ba estrutura foun bele kontinua hadia, nafatin atu kaer liman hamutuk, ita la’o hamutuk sai ida de’it katak ita AJTL hotu”, dehan, David Hugo.

Kongresu nasionál AJTL ba da haat ne’e, hala’o durante loron 2 hahú husi loron, Sesta (07/02/2020) no Sabadu (08/02/2020).Ina

 

Add to Comments Here!!!!

error: Content is protected.
Secured By miniOrange
You might also like:
PN suspende fiskalizasaun ba karantina HNGV ho Aeroportu

Parlamentu Nasionál (PN) liu husi komisaun...

Ramos Horta: Lú Olo ho Taur tenke ba hasoru duni Xanana

Eis Prezidente Repúblika, José Ramos Horta,...

Xanana Gusmão: Solusaun “justa no democrática liu” Eleisaun Antesipada

Prezidente Partido Congresso Nacional de Reconstrucão...

Close