JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN proekupadu ho populasaun Suku 70 resin seidauk asesu ba eletrisidade

PN proekupadu ho populasaun Suku 70 resin seidauk asesu ba eletrisidade

Prezidente Komisaun E Parlamentu Nasionál (PN), ne’ebé trata asuntu infra-estrutura, Abel Pires, preokupadu ho populasaun husi Suku 400 resin iha Timor-Leste ne’e, Suku 70 resin mak to’o agora seidauk asesu ba liña eletrisidade,

Maske VIII Governu konstitusional tau ona planu iha Orsamentu Jerál Estadu ba tinan 2020, hodi kontinua no finaliza projetu distribuisaun liña eletrisidade ba povu iha Timor-Leste tomak,  maibé lakonsege atinji, tanba proposta Orsamentu refere la passa iha Parlamentu Nasionál.

“Infelizmente iha Suku 70 resin mak seidauk asesu ba eletrisidade, maibé kompara total Suku atus 4 resin ne’e, hanoin progresu mós di’ak ida, maibé ne’e kontinua, maske tinan kotuk  laiha projetu foun ba ida ne’e, maibé iha 2020, ita hotu hatene katak, governu tau duni planu atu halo projetu foun, maibé infelizmente ita-nia orsamentu sei iha problema bo’ot, maibé prosesu tomak iha Prezidente Repúblika nia liman, bainhira ita bele rezolve situasaun sira ne’e, hanoin OJE bele tama lalais fali, projetu sira bele la’o fali”, hateten Prezidente Komisaun E ne’e ba jornalista sira iha PN, Kinta (06/02/2020).

Abel Pires hateten, projetu eletrisidade sira kuaze ajudikasaun direita husi governu anterior, tanba nesessidade, no oinsa povu bele asesu lalais liña eletrisidade, ho porjetu nasionál ida naran eletrifikasaun nasionál.

“Iha kotuk ne’e nesessidade, tanba iha momentu ne’ebá, governu iha projetu ida naran eletrifikasaun nasionál, hanoin asesu ba eletrisidade ne’e sai direitu humanu nian, tanba ita ko’alia ona síklu 21, eletrisidade ne’e síklu tinan hira-hira ita seidauk hatene, la podia ita-nia povu ne’e seidauk hetan asesu ba eletrisidade,  tanba ita ukun aan mós tinan barak ona”, tenik Pires.

Lee hotu :   MTK hapara traballadór na’in 23

Kona-bá projetu eletrisidade ne’ebé barak paradu iha dalan klaran, deputadu ne’e hateten, balun tanba laiha kontratu ho governu, tanba ne’e, komisaun ne’ebé trata kona-bá asuntu refere, hato’o ona ba ministériu relevante, hodi buka solusaun.

“ Ida ne’e iha kazu lubuk ida, balun ezemplu hanesan iha Suai Dato rua, no mós iha Same Manufahi, porjetu balun finaliza tiha ona, problema mak laiha kontratu, entaun ami hato’o bebeik ona ba Ministru Obras Públikas atu rezolve. Iha fatin barak riin eletrisidade rai hela, iha fatin balun sei hadau malu, hanesan ida iha Tutuala, besi ri’in ne’e foin mak hotu, maibé balun ba hatun tiha ona ri’in ida foun, lahatene projetu ne’e foin mak remata, ba hatun tan fali ona, riin ne’e tuir loloos tinan rua-nulu tolu-nulu mak foin troka, iha Díli laran ne’e, riin balun husi portugés no Indonézia nia tempu mós sei iha, maibé la troka”, subliña deputadu PLP ne’e.

Iha aprezentasaun proposta Orsamentu Jerál Estadu (OJE) 2020 ba dahuluk ne’ebé ho montante billaun USD 1.950, governu propoin millaun USD 458 ba kategória kapital dezenvolvimentu, ne’ebé inklui mós projetu eletricidade ne’e.

Entretantu, iha aprezentasaun proposta orsamentu ba daruak ne’ebé ho montante billaun USD 1.668, governu propoin millaun 229.514 ba Ministériu Obras Públikas, ne’ebé inklui mós ba projetu kontinuasaun distribuisaun liña eletrisidade ne’e.say

 

Add to Comments Here!!!!

error: Content is protected.
Secured By miniOrange
You might also like:
Adezaun TL ba ASEAN, MNEK ho ADB prepara ekipa iha área ekonomia

Atu responde adezaun Timor-Leste ba ASEAN,...

Prevene vírus Corona tama TL, MS monta ona ekipa iha fronteira Mota-Ain

Ministériu Saúde (MS) monta ona nia...

MTK hapara traballadór na’in 23

Ministru Transporte no Komunikasaun (MTK), José...

Close