JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Espoza PR sertifika pesoal 12, konsidera erói sira iha mudansa ba violasaun feto iha TL

Espoza PR sertifika pesoal 12, konsidera erói sira iha mudansa ba violasaun feto iha TL

Espoza Prezidente Republika (PR), Cidalia Mouzinho Nobre Guterres hamutuk ho Plan International fahe sertifikadu rekoñesimentu ba pesoal 12 ne’ebé konsidera nu’udar erói no eróina sira iha mudansa ba violasaun no diskriminasaun ba feto iha Timor-Leste (TL).

Sertifikadu rekoeñesimentu ne’e fahe ba  individu no oraganizasaun sira ne’ebé servisu makas liu husi tinan 15 to’o 40 hodi kontribui no asegura labarik feto sira hetan atensaun, domin, karinu, tratamentu diak no partisipa iha dezenvolvimentu nasaun TL.

Diretora Plan International iha TL, Dillyana Daten Ximenes hateten, selebrasaun ne’e hodi reforsa no valoriza kontribuisaun ema idak-idak ba esforsu koletivu hodi atinje mudansa ne’ebé sustentavel.

“Iha Timor ita hatene katak ita iha Herói no heróina ne’ebé mak halo mudansa liga ba asuntu igualdade no ami identifika ona Herói no Heróina 12 ne’ebé mak halo mudansa iha sira nia papel loron-loron, sira hanesan modelu ba foinsae sira atu sira bele fiar sira nia aan para wa’inhira sira eskola diak  no la tauk atu atinje mehi bele halo mudansa primeiru ba sira nia aan no no ba sosiedade,” dehan, Dillyana iha Palásio Nobre Lahane iha ambitu komemorasaun loron mundial feto nian, Kinta (12/03/2020).

Iha fatin hanesan, Espoza PR, Cidalia Mouzinho Nobre Guterres esplika, ho kontribuisaun pesoal no organizasaun hirak ne’e mak ohin loron labarik no feto barak mak bele iha fali esperansa ba sira nia moris.

“Pesoal sira ne’ebe sei nu’udar manan nain sei sai hanesan ezemplu ba iha jerasaun sira tuir mai atu kontribui fo dedikasaun tomak ba servisu diak ne’eb’e sira halao ona iha vida profesional no mos iha sira nia meritu rasik, tanbá servisu ne’ebé sira halo hetan rekoeñesimentu iha sira nia sosiedade tanba ne’e liu husi biban ida ne’e, fo apresia ba sira nia kontribuisaun hadia no ajuda tulun ona ita nia maluk feto no labarik sira, no servisu sira nian sei sai ezemplu ida ba jerasaun hotu iha Timor laran,” dehan, Espoza Prezidente Repúblika ne’e.

Lee hotu :   WHO-UN husu PR Lú Olo servisu hamutuk trava COVID-19 tama TL

Espoza Prezidente Republika nia apoiu ba feto sira durante ne’e mak, halo prevensaun ba kankru susun, kankru serviks, promove joven fila hikas ba eskola, prevene isin rua no kaben sedu no mos haforsa ekonomia feto.

Nune’e mos, Manan Nain Heróina ba Mudansa, ne’ebé hanesan mos Juiz iha Tribunal Rekursu, Maria Natércia Gusmão Pereira sente katak, haksolok tanba selesionadu atu simu premiu heróina ba mudansa.

Maria hahu nia kna’ar tinan 2002 no ba ona tribunal rekurusu desde inisiu 2011, iha nia vida tomak tinan 20 ona fo aan no vida ba knaar juiz nian liu husi servisu makaas no vontade rasik.

Nomos, Manan nain seluk, Domingas Perreira ne’ebé halao servisu iha Fundasaun Forum Komunikasaun Juventude (F-FCJ) hato’o nia esperensia ne’ebé durante ne’e halao iha servisu ba atendimentu kazu sira relasiona ho labarik no feto sira.

Domingas hateten, premiu ida ne’e mak rekoñese duni nia kna’aar tanb’a durante ne’e ho esforsu tomak maske ho finanseiru organizasaun ne’ebé minimu maibé kontinua halo servisu hodi asegura labarik sira ne’eb’e hasoru problema, hetan violasaun, abandona, lakon familia.

Liu husi apoiu ne’ebé Espoza PR fó ba F-FCJ konsege tulun ona labarik kuaze 30 resin hodi kontinua eskola hafoin hasoru sira nia kazu ne’ebé fo impaku tebes ba sira nia edukasaun.

Total fundus ba selebrasaun loron feto no fahe sertifikadu rekoeñesimentu ne’e hamutuk rihun USD 8.000.Ida 

 

Add to Comments Here!!!!

error: Content is protected.
Secured By miniOrange
You might also like:
Evita kazu infantisídiu, Fundasaun Alola realiza semináriu nasionál

Atu prevene kazu infantisídiu iha Timor-Leste...

Governu prepara fatin, komunidade prontu sai husi mota-ninin

Komunidade sira ne’ebé hela iha Aldeia...

Somotxo sente triste relembra istória saudozu Nino Konis Santana

Atual Deputadu FRETELIN, José Siqueira Somotxo,...

Close