JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN presta ómanajen ikus ba saudozu Victor da Costa

FRETILIN presta ómanajen ikus ba saudozu Victor da Costa

Estrutura Partidu FRETILIN, presta ómenajen ba saudozu Victor da Costa ‘sugiono’ iha Comite Central FRETILIN (CCF), Sekretariu Jerál Partidu fretilin, Mari Alkatiri hateten, saudozu Victor Da Costa “Sugiono” merese hetan admirasaun husi povu no militante partidu FRETILIN nian.

“Ha’u lori FRETILIN nia naran, hakarak fó obrigadu, ba saudozu ne’ebé fó kontribuisaun bo’ot atu konsolida sentidu pátria ba ita nia povu, Victor hatene saida mak luta, no nia hatene saida mak hari rai doben ida ne’e, no hatene signifikadu saida mak maubere, mensajen ida ne’e husik hela mai ita atu hatutan,” afirma, Sekretariu Jerál Partidu Fretilin, Mari ALkatiri iha CCF, Kinta (19/03/2020).

Mari Alkatiri aprofunda liutan, bainhira moris, sai hun ba luta ida, no husik munda ida ne’e, ita nia memoria sei buras nafatin, hateke deit ba oan no beioan sira, hatene katak exemplu Matebian Victor nian, sei transmite dala uluk ba família, ikus mai ba militantes no kuadru tomak.

“Loron ida ne’e triste ba ema hotu liu-liu família, akontese iha tempu ida ne’ebé dezafius barak ita hasoru dadaun, dezafius polítiku, no moras ne’ebé bele hadaet ba ema hotu, bainhira ita hotu hamutuk tau kbi’it hamutuk, ita sei hakat ba oin, Ha’u hakarak lori FRETILIN nia naran hakarak hateten, Victor merese hetan admirasaun husi povu ida ne’e, liu-liu husi militante partidu Fretilin hahu husi, ponta Leste ba to’o Oecusse ema hotu koñese nia,” subliña, Mari Alkatiri.

Iha fatin hanesan, Reprezentante Família Matebian, João Dias Guterres lori família nia naran,  hato’o agradese ba sekretariu jerál Mari Alkatiri mesmu matebian ne’e, sei moris iha difirensia ideia durante tinan hirak ne’e nia laran, maibé sekretariu jerál nafatin fó fiar no iha komunikasaun nafatin ho Matebian, ida ne’e importante tebes ba família.

Lee hotu :   PM orienta MAE hadia sistema bee moos ba komunidade área rural

“Saudozu fó nia aan tomak servisu ba rai ida ne’e, lori FRETILIN nia naran to’o ohin loron, ami fiar katak, saudozu nia naran sei hakerek iha ai-kabelak ida iha Timor-Leste, lori família nia naran hato’o, deskulpa bainhira Matebian sei moris, koalia liafuan naksalak ba parentes no kolega sira,” tenik, João

Saudozu Victor Da Costa ‘Sugiono’ moris iha loron 14 fulan Fevereiru tinan 1951, iha Munisipiu Lautem, oan husi Mateus da Costa no Amelia da Costa, Saudozu Victor hakotu iss iha loron 17 fulan Marsu, iha nia Rezidensia Bidau, husik hela fén kaben Iria de Jesus no oan na’in 3.Cin

Add to Comments Here!!!!

error: Content is protected.
Secured By miniOrange
You might also like:
Tanba pandemia COVID-19, Alkatiri: Laiha dalan ba eleisaun antesipada

Sekretáriu Jerál Partidu FRETILIN, Mari Bin...

KomJer PNTL: Governu seidauk taka fronteira terrestre no aeroportu

Komandante Jerál Polísia Nasionál Timor-Leste (PNTL)...

PM Taur: Dalaruma COVID-19 kona ona TL ■Laiha planu evakua Timor-oan husi rai-liur

Primeiru Ministru, Taur Matan Ruak, hatete,...

Close