JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Infetadu COVID-19 mak aumenta iha TL, Xanana: Kontakta ba Xina ajuda ita

Infetadu COVID-19 mak aumenta iha TL, Xanana: Kontakta ba Xina ajuda ita

Eis Primeiru Ministru, Kay Rala Xanana Gusmão, deklara, infetadu Corona Virus Diseases 2019 (COVID-19) mak aumenta iha Timor-Leste (TL), sei husu ba nasaun Xina atu bele ajuda hanesan sosa sira-nia aimoruk ho ekipamentu médiku sira nian.

“Sim. Tanba ne’e mak iha hela (ekipa ba ida ne’e kontaktu hela). Xina mos iha ninia kbiit ba ida ne’e. Ne’ebé iha hela kontaktu (ho Xina) para sira haruka aimoruk mai, kuandu todan demais ona bele husu Xina ajuda”,deklara líder rezisténsia Kay Rala Xanana Gusmão, ba Jornalista sira Segunda (23/3/2020), hafoin vizita Timor-oan sira ne’ebé ema tau hela iha Karantina provizoriu iha Hotel Audian, Díli iha ne’ebé hetan protestu husi komunidade sira iha área ne’eba.

Eis Prezidente Repúblika Xanana Gusmão mos husu ba Timor-oan tomak atu labele pániku ho COVID-19 ne’e. Tanba moras-aat ne’e la’ós deit akontese iha Timor, maibe iha nasaun barak mak sira-nia ema mate barak ona tanba COVID-19 mak oho.

“Ita-nia nasaun foin pozitivu ida, ne’ebé husu populasaun sira lalika pániku, kalma”,dehan tan líder karismátiku Kay Rala Xanana Gusmão, hodi hakalma maluk Timor-oan sira ne’ebé antes ne’e halo barullu iha fatin refere.

Funu nain FALINTIL, Kay Rala Xanana Gusmão mos agradese ba nasaun Austrália ne’ebé ajuda ona TL iha Sentru Saúde Vera Cruz ninian hodi haree ba moras COVID-19 ne’e.

Lidér Karismátiku Kay Rala Xanana Gusmão, apela ba komunidade hotu atu labele halo movimentu iha área Sentru Saúde Vera Cruz Caicoli-Díli.

“Populasaun baibain mai konsulta iha klínika Vera Cruz lalika mai ona, tanba ne’e fatin ne’ebé sai ona atu halo tratamentu ba coronavírus, iha ne’e iha ona pasiente pozitivu ita iha ona, ne’e duni mak husu ba xefe aldeia, xefe suku para impede populasaun liu husi dalan ne’e, ne’e orden orden husi ha’u, ha’u laos membru Governu maibé, kona-ba saúde públiku ita hotu alerta ba malu, ne’e duni polisia, seguransa sivil labele husik tan ema liu husi loron ne’e para prevene ne’e duni ohin ita sai ne’e atu haree ida”,Lia hirak ne’e hato’o husi, Eis Prezidente Repúblika, Kay Rala Xanana Gusmão, ba jornalista sira hafoin observa fatin izolamentu iha Sentru Saúde Vera Cruz Caicoli, Segunda.

Lee hotu :   SIJK: OMS verifika ekipamentu médiku husi Xina kualidade

Alende ne’e, Xanana mós husu ba populasaun sira, atu labele pániku ho situasaun refere no husu ba família sira atu labele halo vizita ba sira nia família ne’ebé mak dadaun ne’e iha fatin karantina iha hotel novu horizonte no hotel audian

“Ha’u husu ba komunidade tomak lalika pániku tanba ita buka kontrola hela ita sei iha de’it ida, populasaun nunka ba misatanba ne’e nai lulik sira mós baruk ne’ebé laliku sira mós dehan katak lalika misa ona, iha uma reza ba maromak ajuda ita hodi labele da’et sira ne’e karantina to’o loron sira fila, lalika pániku, lalika pániku familia sira lalika mai vizita”,deklara Xanana.

Hafoin observa fatin izolamentu iha sentru saúde vera cruz, ekipa Ministériu Saúde akompaña husi líder karismátiku Kay Rala Xanana Gusmão, haree direta mós fatin karantina ne’ebé parte saúde prepara ona iha Tibar, hafoin fila husi Tibar ekipa refere kontinua kedas ba iha aeroportu internasionál Nicolau Lobato hodi rega ai-moruk antiseptika desinfektan ba aredores aeroportu, no kontinua halo vizita mós ba sidadaun sira ne’ebé mak karantina hela iha hotel Novo Horizonte.

Estudante no sidadaun hirak ne’ebé mak fila husi nasaun Indonézia, Singapura no rai sira seluk, dadaun ne’e hela iha karantina iha Hotel Novo Horizonte, hamutuk 85 no iha Hotel Audian hamutuk 65.

Tuir ajensia notisioza Xinhua fó sai katak, oras ne’e dadauk iha Wuhan, Xina, laiha tan ema ida mak ba konsulta kona-ba COVID-19, tanba sira iha ona aimoruk hodi hasoru ka kura moras ne’e. Nune’e Prezidente Repúblika Indonézia, Joko Widodo mos haruka ona sira-nia ekipa ba sosa ona aimoruk husi Xina para bele fó tulun ba infetadu COVID-19 ne’ebé fó sai husi média lokal Indonézia sira nian katak, lor-loron númeru ba moras ne’e sempre aumenta.

Lee hotu :   Timor-Leste vigora Estadu Emerjénsia durante fulan ida

Entretantu Governu sei halo uluk akizisaun ba ekipamentu no aimoruk ba prevensaun antes sosa ekipamentu hodi halo triajen ba COVID-19 husi Xina, Austrália no Cuba.

Kosenllu Ministru Kuarta (23/3/2020) aprova ona proposta husi Ministériu Negósiu Estranjeiru pedidu sosa ekipamentu no ai-moruk ba prevensaun COVID-19 husi  nasaun tolu hanesan Xina, Austrália no Cuba.

Tuir Fidelis Magalhães, ai-moruk hirak ne’ebé Governo sei sosa la’os atu hodi kura Koronavírus maibe atu ajuda redus sintoma sira ne’ebé iha pasiente COVID-19 ida.

“Pakote ne’e besik millaun 4 ho total ne’ebé MNEK aprezenta tan pakote ida ne’ebé mak masimu previzaun miliaaun 11 maibe ita sei uza osan miliaun 11 wainhira iha nesesidade, osan ne’ebé atu kompra emediata ne’e ba uluk, depois fatia seluk wainhira”,dehan Fidelis.

Entretanto, Ministru Negósiu Estranjeiru, Dionísio Babo Soares, hatete, nia parte halo ona koordenasaun ho embaixada Xina iha Timor-Leste no ai-moruk hirak ne’e sei to’o iha Timor-Leste iha semana ida ka semana rua nia laran. Governu prevé katak ai-moruk hirak ne’e sei uza ba  tempu mediu prazu.

“Ida ne’e tama iha fase segundo nian agora ita iha hela fase intervensaun hela tama iha faze oinsa mak ita bele holam medidas para depois bele hare ona e husu kooperasaun ita nian sociedade nian tomak populasaun tomak para ita hamutuk hodi kontrola buat ida ne’e. Só hamutuk mak ita bele halo, mas  triagem nasional ne’e tama iha segunda fase iha segunda fase ne’e kuando ai-moruk sira ne’e kompleto ona mak it abele halo ona orsidah mak ita sei deside”, dehan Dionísio Babo Soares.

Tuir Dionísio Babo, ai-moruk ne’ebé Governu sei sosa iha oin haat no ekipamentu sira mak hanesan  desifektante, sanitizer no roupa médiku sira.Ina/oct

Lee hotu :   Ian Martin to’o TL partisipa loron konsulta popular

 

Add to Comments Here!!!!

error: Content is protected.
Secured By miniOrange
You might also like:
Hetan sintoma COVID-19, Governu husu komunidade liga ba númeru 119

Konsellu Ministru (KM),aprova númeru emerjensia 119,...

Loja balun iha kapitál Díli hahú taka atividade negósiu

Loja balun iha kapitál Díli, hahú...

Kura COVID-19 iha TL, PN ezije Governu husu apoiu lalais husi nasaun liur

Deputadu bankada PLP, Sabino Soares Guntur...

Close