JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Kura COVID-19 iha TL, PN ezije Governu husu apoiu lalais husi nasaun liur

Kura COVID-19 iha TL, PN ezije Governu husu apoiu lalais husi nasaun liur

Deputadu bankada PLP, Sabino Soares Guntur ejize governu atu husu apoiu médiku no ekipamentu prevensaun husi nasaun liur hanesan Xina, antes númeru afetadu ka kazu COVID-19 ne’e husi ida aumenta tan.

Tanba Xina nu’udar nasaun ne’ebé afeita dahuluk iha mundu, no pasiente barak konsege rekopera husi vírus refere, no ohin loron Xina livre ona husi moras ne’e.

“ Virus corona ne’e hahu dede 2019 to’o mai agora ne’e, país sira iha mundu barak mak afeitadu no nia balun konsege rekopera, liu-liu hanesan Xina, primeiru afeitadu iha mundu,

Konsege deskobre ai-moruk ou halo prevensaun ba nasaun sira seluk, hanesan Italia no seluktan,

Tanba Xina ita iha relasaun di’ak ho sira, tanba ne’e mak di’akliu ita tenke husu apoiu husi sira (Xina) hanesan médiku, no ekipamentu ne’ebé atu bele prevene lalais vírus corona ne’e, molok tama to’o situasaun grave,”sujere reprezentante povu ne’e iha PN, Segunda(23/03/2020).

Alende ne’e, deputadu CNRT, Adérito Hugo mós preokupa, tanba konsidera asaun governu atrazadu iha faze preparasaun ba prevensaun COVID-19 ne’e.

“Semana hirak ne’e nia laran, servisu liñas ministeriais, no ekipa konjunta sira hala’o servisu ho kodisaun mínimu,

Horseik rasik kuadu detekta ona COVID-19 ne’e ida pozitivu, foin mak distribui ekipamentus ba sira ne’ebé servisu iha portaun entrada prinsipal sira halo atendimentu ne’e, liu-liu ekipamentus báziku sira ne’e,

Lamentável teb-tebes, maibe di’akliu lalais, tanba vírus ne’e la hein, mezmu ita tarde, maibe hotu-hotu tenke book aan, la’os de’it hein komisaun, ministériu kompetente sira, maibe alta entidades sira tenke book aan ona,

Hanesan líder boot sira, kargu polítiku sira, tenke hamriik iha oin, lidera no monitor situasaun ne’e, tanba vírus ne’e lahein ita.

Lee hotu :   PN kontinua halo fiskalizasaun ba projetu sira

País avansadu ne’ebé ho téknolojia modernu oi-oin, nia Prezidente tun direita hodi lidera kedas situasaun desde inisiu prevensaun ate to’o atuasaun.”akresenta Hugo ba jornalista sira.

Deputadu CNRT ne’e mós sujere atu líder nasionál, liu-liu Prezidente atu lidera ekipa prevensaun COVID-19, hodi halo prevensaun asegura povu.

“ Medidas prevensaun ne’e la presiza ho karakter ida emerjensia, tanba bainhira ita deklara tiha emerjensia mak servisu komisaun la la’o, ne’e mós ladi’ak,

Di’akliu mak ita optimaliza saída mak iha tiha ona, para depois to’o tempu ida dehan presiza duni estadu emerjensia, ita bele halo,

Tanba lei iha hotu ona para atu gia ita atu deklara estadu emerjensia no estadu désitu, lei ona ita nia sistema, norma iha ona desde 2008,

ne’e la’os kestaun, tanba gia ona ita ba ne’ebá, kestaun mak jestaun ba medidas prevensaun, apoiu ita nia tékniku sira, operasional iha terenu, ne’ebé ho kondisaun mínimu,

husu alta entidades sira, tenke hamriik iha oin, lidera sira no motiva sira nafatin, nune’e sira labele sente katak sira mesak-mesak de’it,  movimentu komisaun ne’e tenke lidera husi superior sira,” tenik Prezidente komisaun B ne’e.

Antes ne’e, Ministra Saúde interina, Elia Amaral deklara, Timor-Leste iha ona kazu pozitivu COVID-19 ida, tanba ne’e, presiza ema hotu halo prevensaun, liu hosi asaun hadook an husi fatin rame sira, inklui uza maskra no fase liman bebeik.

Entertantu, vírus ne’ebé koñesidu ho naran COVID-19 ne’e, halo nasaun barak iha mundu preokupa, tanba vírus refere infeita ona ema kuaze rihun 300 resin liu, no mate kuaze rihun 11 liu.

Maske nune’e, iha mós pasiente vírus COVID-19 kuaze ema rihun 88 liu mak konsege rekopera husi moras refere.Say

Lee hotu :   PR Lú Olo: Ha’u asumi knaar tuir konstituisaun

 

Add to Comments Here!!!!

error: Content is protected.
Secured By miniOrange
You might also like:
FONGTIL: Prevene COVID-19 komunidade tenke apoiu

Diretur Forum ONG Timor-Leste (FONGTIL) Daniel...

Dulce: Provizoriu hapara atividade aprendizajen

Ministra Edukasaun Joventude Desportu(MEJD) Dulce de...

Governu uza hotel novu horizonte sai fatin karantina COVID-19

Governu liu husi Ministériu Saúde(MS), uza...

Close