JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Loja balun iha kapitál Díli hahú taka atividade negósiu

Loja balun iha kapitál Díli hahú taka atividade negósiu

Loja balun iha kapitál Díli, hahú taka sira nia atividade negósiu hafoin sidadaun ida iha Timor-Leste pozitivu COVID-19, maibé iha loja balun mos kontinua halo atividade negósiu hodi halo atendimentu ba komprador sira.

Diretóra Diresaun Nasionál Regulasaun Komersiu Protesaun Konsumidor (DNRKPK), Manuela da Silva Tilman, hatete kona-bá loja balun ne’ebé hahú taka hodi la halo atividade negósiu hanesan bai-bain, ida ne’e dalaruma tanba tauk ho situsasaun agora relasiona COVID-19, ne’ebé oras ne’e tama ona iha Timor-Leste.

“Ha’u atu dehan, loja sira ne’ebé taka, ida ne’e fila-fali ba desizaun hosi loja nain sira, tanba dalaruma sira lakohi atu halo atendimentu ba públiku, tanba tauk ho COVID-19 nune’e sira bele prevene-an hosi COVID-19, dehan Diretóra DNRKPK, Manuela da Silva Tilman, ba JN-Diário Segunda (23/03/2020) iha Bebora Díli.

Diretóra DNRKPK informa, loja balun taka laos tanba tauk ho COVID-19, maibé taka tanba hetan sansaun hosi Autoridade inspesaun fiskalizasaun atividade ekonomika sanitaria no alimentar (AIFAESA) Polísia Sientífika Investigasaun Kriminal (PSIK), tanba aproveita ho situasaun hodi hasa’e folin sasán tuir sira-nia hakarak.

Nia afirma, DNRKPK kontinua halo kontrolu ba iha loja no armajen sira, hodi buka hatene stock ai-han hanesan fos, masin-midar, mina no seluk tan, nune’e bele garante stock ba fulan 2 ka 3 atu konsumidor bele sosa ba nesesidade lor-loron, maske loja balun hahú taka sira-nia atividade negósiu tanba tauk ho COVID-19.

Enkuantu, loja hirak ne’ebé taka sira-nia atividade negósiu mak hanesan, loja sira iha Becora, Audian, Fatuhada, Bairu-Pite, Komoro, Rai-Kotu no Tasi-Tolu inklui negosiante sira, ne’ebé faan roupa obralan iha Aimutin no Ponte foun mós taka.Fel

Lee hotu :   Ponte foun iha Bidau atinji ona 100%, CTL sei entrega ba governu antes 30 Agostu

 

Add to Comments Here!!!!

error: Content is protected.
Secured By miniOrange
You might also like:
Kura COVID-19 iha TL, PN ezije Governu husu apoiu lalais husi nasaun liur

Deputadu bankada PLP, Sabino Soares Guntur...

FONGTIL: Prevene COVID-19 komunidade tenke apoiu

Diretur Forum ONG Timor-Leste (FONGTIL) Daniel...

Dulce: Provizoriu hapara atividade aprendizajen

Ministra Edukasaun Joventude Desportu(MEJD) Dulce de...

Close