JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PM promete sei disponibiliza rekursu halo atendimentu ba vítima dezastre naturál

PM promete sei disponibiliza rekursu halo atendimentu ba vítima dezastre naturál

Primeiru Ministru (PM), Taur Matan Ruak, lori povu Timor-Leste nia naran, hato’o saudasaun espesial ba parseiru sira durante tempu ida ne’e fó tempu no rekursu hodi ajuda populasaun.

Xefi governu ne’e promete sei halo buat hotu, hodi disponibiliza rekursu, halo atendimentu iha semana ida ne’e ba oin.

“Ha’u nia naran rasik, lori governu no povu Timor-oan nia naran, hato’o saudasoens espesial ba parseiru sira, durante tempu ida ne’e fó sira nia tempu no rekursu hodi ajuda ita nia populasaun, ha’u hanesan xefi governu, agradese ba buat hotu ne’ebé halo ajuda ami nia populasaun sira ne’ebé sai vitima ba dezastre naturais, hanesan PM ha’u promete ba ita bo’ot sira sei halo buat hotu, hodi disponibiliza rekursu bele halo atendimentu iha semana ida ne’e ba oin”, promete, Xefi Governu ne’e wa’inhira hala’o vizita ba edifisiu Bombeirus-Caicoli, Tersa (17/03/2020).

Xefi Ezekutivu ne’e hatutan, Timor-Leste pais ida foin ukun-an, halo esforsu iha nia perkursu  durante tinan 16, halo eforsu makas organiza-an hanesan Estadu, hodi haforsa no kapasita instituisaun sira, para presta servisu ida ne’ebé diak ba sidadaun sira.

Maibé, momentu sira hanesan ne’e ita sukat saida mak ita bele, saida mak ita labele, no ita nia kbi’it ba to’o iha ne’ebé sai materia ida importante enkoraza ita nia aan, hanesan instituisaun no Estadu, para mellora nafatin  hodi fó resposta ba dezastre.

“Dezastra naturais la’os deit iha ita nia rai, iha mundu tomak, pais barak infrenta situasaun ida ne’e, maibé kadavez ita infrenta reforsa ita nia kbi’it, kapasidade no ita nia kompetensia atu asisti, ita labele para no lamenta katak, labele só labele tamba ita lakohi, dala uluk tenki esforsu no rekursu ne’ebé ita iha tenki mobiliza hodi asisti ida nia sidadaun sira,” dehan, Taur.

Lee hotu :   PR Lú Olo: Natal loron reflesaun hametin identidade sarani Katólika

Taur Matan Ruak aprofunda liutan, iha momentu ida hanesan ne’e, presiza ita hotu nia apoiu, tamba ne’e  hakarak agradese ba ita bo’ot sira, servisu hotu ne’ebé mak halo, hanesan Timor-oan liu-liu ita nia parseiru sira.

Apela mos ba empreza sira no individual sira, sira ne’ebé iha kareta, favor ida ajuda para fó apoiu ba ita nia sidadaun sira lori sai fatuk, rai henek, no ai, tamba ita la’os problema dezastre naturais, ita iha moras ida afeita mundu tomak Corona Virus, se ita la lalais rezolve problema ida ne’e (dezatre naturais-red), se ida mai tan sei paniku bo’ot.

“Tempu badak ne’e ita hotu sei halo esforsu, fó apoiu ba sidadaun sira, ita labele husik hela sidade hanesan ne’e, liu-liu ita nia populasaun sira afeitadu, labarik kik, ferik no katuas, ne’ebé moras iha difikuldade barak, harakak lori governu nia naran hato’o agradese, ba SEPS no parseiru dezenvolvimentu ne’ebé fó apoiu emerjensia ba sidadaun sira”, afirma, eis Prezidente Repúblika ne’e.Cin

Add to Comments Here!!!!

error: Content is protected.
Secured By miniOrange
You might also like:
MS aproxima autoridade suku Tibar kona-bá fatin karantina COVID-19

Ministériu Saúde (MS) halo aproximasaun ho...

Dom Virgílio apela ba lider sira atu hamutuk salva povu TL

Arcebispu Metropolitano Díli, husu ba lider...

PR Lú Olo apoia MS kombate COVID-19

Ministra Saúde  Interina,  Elia Antonio Amaral...

Close