Sidadaun Timor-oan 400 auto-karantina iha uma

Diretóra Jeral Prestasaun Saúde, Ministériu Saúde (MS), Odete Viegas, informa, fatin karantina ba sidadaun Timor-oan, ne’ebé fila hosi Nasaun afetadu COVID-19 la sufisiente,  tanba ne’e MS haruka Timor-oan hamutuk 400 resin auto-karantina iha uma deit.

“Ami haruka sira auto-karantina iha uma, tanba fatin karantina la sufisiente maibé ami kontinua foti dadus no halo akompañamentu ba sira, hodi hatene kondisaun sidadaun hirak nian”, dehan, Diretóra Jerál Prestasaun Saúde,Odete Viegas, ba JN-Diário  Tersa (24/03/2020) iha Kaikoli Díli.

Diretóra Jerál MS informa, depois de covid-19 pozitivu iha Timor-Leste, Ministériu halo restrito liu tan hodi halo karantina obrigatoriu, maibé esforsu MS nian hodi buka aproxima ba Hotel sira hodi akomoda Timoroan sira, ne’ebé fila hosi estranjeiru.

 “Iha keixa balun, maibé ami konsege akumula  pasajeiru sira ne’ebé to’o mai iha Díli iha loron Domingo no Segunda, hodi lori ba iha Hotel Novo Horizonte no mós Hotel Audian. Agora iha mós kestaun ba tanba iha auto-karatina ba Timoroan balun, ne’ebé foin fila hosi estranjeiru tanba laiha ona fatin karantina ba sira”,afirma Odete Viegas.

Odete subliña, Maske MS esforsu hosi aproxima ho nain ba hotel sira, maibé sira labele fó resposta imediata ba ami, tanba ne’e ami deside hosi haruka Timoroan balun auto-karantina uma deit tanba laiha espasu iha Hotel rua ne’ebé governu deside fatin karantina.

Maibé la signifika ema sira ne’ebé ami haruka ba auto-karantina, Ministériu la halo monotorizasaun ba sira, maibé MS nafatin akompañia sira hodi foti dadus inklui tau matan ba sira nia saúde durante loron 14. Timoroan 400 resin ne’ebé auto-karantina iha atus 2 resin mak sei iha faze observasaun ba sira nia saúde.Fel