JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Tahu no rai nakonu hafoin inundasaun, Komunidade Bekusi husu Governu apoia urjente

Tahu no rai nakonu hafoin inundasaun,  Komunidade Bekusi husu Governu apoia urjente

Komunidade Bekusi husu Governu atu fó apoiu urjenti hodi hamos tahu raihenek no lixu ne’ebé nakonu iha komunidade nia hela fatin no estrada públiku hafoin inundasaun ne’ebé akontese iha sesta semana kotuk.

Udan bo’ot ne’ebé akontese iha loron 13 fulan ne’e, hamosu inundasaun ba komunidade iha área Bekusi – Becora no Santa Cruz, Lahane, Bidau, Audian, Caicoli, inklui Palasio Prezidente Repúblika Aitarak Laran, hodi halo komunidade lubun iha kapital Díli tenke lakon sira-nia hela fatin no balun lakon família.

“Ami presiza urjenti hanesan Governu tenke tau matan ba ami nia lixu hanesan tahu tama uma laran, roupa kulsaun, no ami la han kuaze loron hira ne’e ami han mak biskuit, ami hakarak governu tenke lori forsa mai hamos lixu iha uma laran, no ami terus tanba tahu ne’e ami sama ba malirin agora hein atu moras,” dehan, Komunidade Bekusi, Carlito Lobato ba GMN iha Bekusi Dili, Segunda (16/03/2020).

Iha fatin hanesan mos, Paulo Martins mós haktuir antes ne’e iha ONG 3 mak fo apoiu ona hanesan fos, mina no ai-han seluk maibé ne’e la sufisiente tanbá bele hatan deit ba loron 2 nian.

Paulo hatutan tan katak, apoiu ne’ebé presiza mak hadia uma no dalan sira ne’e hodi hasai tahu no lori raihenek hodi ateru sae tiha para la’o diak, tanba durante ne’e la’o ho tahu deit, be’e mos susar agora viziñu sira ba hela tiha iha rai lolon.

“Ami nia sasan sira ne’e uma at hotu buat ida karik ho los isin lolon deit, kona-ba eskola ou farda laiha hotu la aproveita hotu kedan, ohin mos atu ba eskola ladiak tanba farda ne’e, ba mos sinelus laiha farda mos laiha, entaun ain tanan,” dehan Paulo.

Lee hotu :   Antesipa Tsunami, Governu estabelese sirene iha kapital Díli

Nune’e mos komunidade, Luis Caldas husu Governu atu loke matan, tanbá dezastre ne’e la’os katak ema ida nia hakarak no governu tenke tau matan tanba husi povu mak bele forma Governu, se laiha povu laiha Estadu no Governu.

“Bombeirus sira ladun preokupa komunidade iha Bekusi kraik ne’e, sira preokupa fali mak iha bo’ot sira nia fatin hanesan aitarak laran, fatin ida neé sira fo todan fali ami atu han rai rahun barak, karik bele hakat liu mai iha ne’e tanb’a komunidade han rai rahun to’o dolar diak,” hateten, Komunidade ne’e.

No mos, Eduardo Santos Guterres mos hatutan, juventude husi Aldeia husu governu atu ajuda ka lori be’e bombeirus mai rega tanbá halai mai transporte publiku sira mos halai mai taka tiha fali halai makaas liu tiha fali lakohi halai neneik lori moras ba populasuan sira ne’e.

Tuir observasaun Jornalista GMN iha terenu nota katak hafoin inundasaun ne’e halo sidade Dili hafalun ho rai rahun no tahu ne’ebé fó impaktu mos ba movimentu transporte sira.

Tuir dadus husi Sekretariu Estadu Protesaun Sivíl, uma kain 1,105 mak afeita ba inundasaun ne’e, ho total ema 6,700 husi suku 12 iha Munisipiu Díli.Ida

 

Add to Comments Here!!!!

error: Content is protected.
Secured By miniOrange
You might also like:
PM hato’o solidariedade ba populasaun kapital Díli

Primeiru Ministru (PM), Taur Matan Ruak,...

MOP kontinua halo normalizasaun ba mota iha kapital Díli

Ministru Óbras Públikas (MOP), Salvador dos...

Lere husu PM Taur mobiliza funsionáriu sira halo limpeza

Xefe Estadu Maiór Jenerál F-FDTL Majór...

Close