Estudante 14 pasa kuarentena fila ba ida-idak nia munisipiu

Diretór Gabinete  Apoiu Jurídiku  e Contajiozu, Belarmino da Silva Perreira hatete,  sidadaun hirak ne’e, fila husi Indonézia iha loron 1 fulan Abril tinan ne’e no sidadaun Timor-oan 14,  durante ne’e hala’o  estudu iha universidade sira  iha Indonézia. Pasa ona kuarntena durante loron 14.

“Ohin dadersan ne’e re-intrega sira kuarentena ba fali sira nia familia no komunidade, iha kuarnetena iha Hotel YQ ne’e hamutuk 14, no prosesu re-intrega ne’e ita akompañia iha loron primeiru to’o ikus, horseik  sira kompleta 14 dias, no hatudu katak sira ne’e hetan examinasaun no akompañiamentu intesivu husi parte saúde nian, no hatudu katak sira laiha dezenvolve sintoma ruma ne’ebé ke relasiona ho COVID-19”, dehan, Belarmino da Silva, ba Jornalista sira, Kuarta(15/04/2020), iha fatin Kuarentena Hotel YQ, Raikotu-Dili.

Iha fatin hanesan, Lucia Maria dos Santos ne’ebé kumpri ona kuarentena haktuir, sira tenke fila fali mai Timor, tanba ema barak mak infetadu ho COVID-19 iha Indonezia, ida ne’e halo sira trauma hodi deside fila hikas mai Timor.

“Ami fila mai Timor,tanba ami senti iha ne’ebá ladun seguru, ami iha ne’eba hela iha kost ,iha ema barak maka hela iha ne’eba, no fatin ne’e hanesan anak kost ne’e rentang lo’os atu kona moras ne’e, ne’ebé ami senti hanesan ne’e, pois familia mós tauk tanba ne’e maka haruka ami fila”, hatete, Lucia.

Sidadaun nain sanulu resin hat ne’ebé pasa ona kuarantena iha hotel YQ ne’e, mai husi Munisipiu 6 mak hanesan, Díli nain lima, Liquica na’in 3, Bobonaro nain 1, Manufahi nain 1, Lospalos na’in 2, Vique-que na’in 2.Jen

 

Leave a Reply

Your email address will not be published. Required fields are marked *