JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Funsionáriu Sentrál Eletrika Hera no Betano ameasa suspende servisu

Funsionáriu Sentrál Eletrika Hera no Betano ameasa suspende servisu

Funsionáriu tékniku Eletrisidade Sentrál, Eletrika Hera no Betano ameasa, sei suspende sira nian servisu durante Estadu Emerjénsia, tanba senti lahetan atensaun husi Minitériu Obras Publikas no diresaun Jeral Eletrisidade Timor – Leste nian.

Funsionáriu sira hateten, sira nu’udar tékniku no funsionáriu esensiál, ne’ebé hala’o servisu iha instituisaun EDTL,  iha situasaun Estadu Emerjénsia, maibé Governu liu hosi Ministériu Óbras Públikas ho EDTL, la fó konsiderasaun ba sira nian servisu.

“Ami lamenta ba MOP no diresaun jerál EDTL,tamba laiha indikasaun konkreta bazeia ba karta ofisial ida ho kalkulu ka relasiona ba dekretu governu Artigu 26 no lamenta ba karta sirkular husi MOP no EDTL diresaun nasionál No.57/DGE/MOP/III/2020,tamba orientasaun atu hala’o dever, maibé la fasilita ami nu’udar membru governu essensiál ba situasaun atual agora”, dehan Porta Voz Funsionáriu tékniku Eletrisidade Sentrál, Eletrika Hera no Betano, João Baptista Verdial iha konferénsia imprensa, Segunda (06/04), iha Sentru Eletrika Hera.

Funsionariu sira nee husu MOP no EDTL atu define direitu pesoais servisu no deskreve ho karta legal atu fasilita personal protective equipant saúde imediatamente hodi asegura pesoal servisu iha servisu fatin.

 “Ami husu MOP no EDTL atu define direitu pesoais servisu no deskreve ho karta legal no fasilita personal protective equipant saúde imediatamente hodi asegura pesoal servisu ba fasilita transporte ba ami atu nafatin kumpri requezitus ne’ebé peritu mediku sira sujere konabá physical distance”, hatete João Baptista Verdial.

Agostinho Barreto, funsionáriu tékniku eletrika Hera, kompromete katak asaun nebe sira halo nee maka laiha resposta husi MOP no EDTL,  liu tiha loron 3, sira sei la hala’o tan kna’ar ona.

Lee hotu :   PR Lú Olo: Ha’u sei estuda karta koligasaun foun no demisaun PM Taur

 “Ami preukupa,tamba situasaun real ne’ebé iha ne’e bele afeta ba ami nia saúde no familía, tamba ami mós nu’udar umanu ne’ebé iha dever ,maibé mós iha direitu”, dehan Agostinho.

Funsionáriu sira mós ameasa, sei suspende sira nian servisu, durante periodu Estadu Emerjénsia, wainhira iha prazu durante loron nia laran ne’e, Ministériu Óbras Públikas ho diresaun EDTL, seidauk fó resposta ba sira nia ezijénsia.

Atualmente funsionáriu tékniku eletrisidade, iha sentru eletrika Hera, ema nain  64 no iha Betano ema na’in 29.Tos

 

Add to Comments Here!!!!

error: Content is protected.
Secured By miniOrange
You might also like:
PM Taur apela ba Timor-oan sira atu hán natón

Primeiru Ministru (PM), Taur Matan Ruak,...

PN preokupa komunidade sira la obedese regra EE

Parlamentu Nasionál (PN) preokupadu ho komunidade...

Tanba lakon konfiansa, PM Taur demite Élia Amaral

Primeiru Ministru (PM), Taur Matan Ruak,...

Close