JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Laiha bee moos, komunidade maslido susar prevene COVID-19

Laiha bee moos, komunidade maslido susar prevene COVID-19

Komunidade Maslido labele halo tuir Governu nia hakarak no kontribui ba prevensaun COVID-19 tanbá bee moos laiha hodi sustenta nesesidade kada loron.

Komunidade sira hato’o difikuldade ne’e ba GMN hafoin rona informasaun kona-ba prevensaun COVID-19 husi ekipa Ministériu Saúde iha Suku Comoro Bairo Maslido, Kuarta (29/04/2020).

“Ami rona ida ne’e diak ba ami, maibé estadu mai baze koalia de‘it maibé nunka prepara buat ne’e ba ami ida, ami uza be’e ba fase liman la’os uza be’e mos maibé uza be’e masin, sira lolos tenke aranza mos, ami atu tein no hemu tenke sosa,” dehan, Komunidade Bairo Maslido, Emilia Fatima Freitas.

Iha fatin hanesan, Komunidade Bairo Maslido, Casamiro Nunes esplika katak, Governu prepara ho kapaas maibé ba komunidade sira balun sei falta bee moos hanesan Maslido tenke la’o to’o Tasitolu hodi kuru bee no dala ruma tenke hetan baku husi Polisia.

“Ami ba kuru mos haree subar deit kuandu Polisia mai ami mos halai, sira la hatan ami lao maibé iha ne’e bee mos laiha, Governu tenke haree ida ne’e,” dehan, Nia.

Nune’e mós, Benjamin de Araujo mos sente labele halo prevensuan COVID-19 ho maximu tanbá laiha osan atu hola maskara no hand sanitizer no alkohol ne’ebé durante Ministeriu Saúde sempre temi hela deit.

Tuir observasaun Jornalista GMN iha terenu nota katak maske Ekipa Ministériu Saúde husu atu ema hotu tenke fase liman kada loron no kuidadu ambiente moos nafatin maibé realidade situasaun iha bairo Maslido laiha bee moos ba komunidade sira hodi fase liman haris no prepara ai-han ne’ebé saudavel.

Lee hotu :   PM presta omenajen ba matebian komandante UPM Lino Saldanha

Komunidade Bairo Maslido, Jaime Mendonca mos husu atu Governu bele aselera lalais planu hodi fo subsídiu ba komunidade sira tanbá ho kondisaun Estadu Emerjénsia susar hodi hatan ba nesesidade lor-loron nian.

Komunidade sira mos preokupa ho servisu Ekipa Ministériu Saúde nian tanbá liu deit ho Kareta maibé la tun direita hodi hatene difikuldade komunidade nian.

“Sira mai koalia deit la hakbesik hodi haree rasik ho matan, ami presiza bukti nyata, labele koalia liu deit depois fila ona, ami ba kuru bee la’o dok no dalaruma ema la fo tenke fila ho masa mamuk,” tenik, Komunidade Bairo Maslido, Inosencia Menonca da Costa.

Enkuantu problema kona-bá bee moos ne’e la’os akontese de’it iha Bairo Maslido maibé akontese mós iha area seluk iha Munisipiu Dili hanesan Becora, Caicoli, Taibessi no seluk tan. Ida

Add to Comments Here!!!!

error: Content is protected.
Secured By miniOrange
You might also like:
COVID-19 mantein 24, Liquisa suspeitu 27 negativu

Sentru Integradu Jestaun Krize (SIJK), informa...

Kalohan : Labele kompara situasaun funu ho COVID-19

Deputadu bankada Partido Democrático (PD), António...

KM aprova projetu lei alterasaun daruak estatutu militár

Liu husi reuniaun Konsellu Ministru (KM)...

Close