Pertamina Internasional Timor apoia tanke be’e rua ba SIJK

Pertamina Internasional Timor apoia tenke be’e unidade rua (2) ho nia fasilidade kompletu ba Sentru Integradu Jestaun Krize (SIJK), Kuarta (15/04) iha Centro Convencões Díli.

“Ami esforsu hodi fó apoiu tanke be’e ne’e ba Sentru Integradu Jestaun Krize (SIJK), ne’e atu nune’e ema hotu bele utiliza hodi fase liman loro-loron nune’e bele hadok an husi virus surtu COVID-19 iha Timor-Leste no bele motiva Komunidade sira atu hatoman an hodi fase liman loro-loron, ita reza para iha Timor virus COVID-19 ne’e bele lakon lalais”,dehan  Diretór Ezekutivu Pertamina Internasional Timor Beni Harto Wijaya, ba GMN hafoin entrega fasilidade nee.

Diretór Ezekutivu nee hatete, objetivu  Pertamina Internasional Timor apoia tenki be’e ba Sentru Integradu Jestaun Krize ne’e, atu fasilita ema hotu no motiva Komunidade sira hodi fase liman loro-loron nune’e bele hadok an husi surtu COVID-19.

Beni Harto Wijaya dehan apoiu nebe nia parte f’o ne’e nu’udar kontribuisaun ida atu bele hamenus númeru virus COVID-19 iha Timor – Leste.

Nunee mos Adjunto Operasaun ba Sentru Integradu Jestaun Krize, Calisto Gonzaga, agradese ba Pertamina Internasional Timor nia apoiu,tamba liu husi ema barak nia kontribuisaun sei bele halakon lalais virus COVID-19 iha Timor-Leste.

“Ami agradese ba kompaña pertamina internasional Timor, tamba virus surtu COVID-19 ne’e presiza duni ita hotu nia kontribuisaun atu tau matan ba moras at ne’e ,tanki rua ne’ebé ohin kompaña pertamina internasional Timor entrega mai ne’e atu fasilita ami no ita hotu hodi hatoman an fase liman loro-loron”, dehan Calisto Gonzaga.

Tuir planu  Pertamina Internasional Timor sei entrega tán tenke be’e unidade tolu (3)ba  Sentru Integradu Jestaun Krize hodi fasilita ba Komunidade sira atu fase liman loro-loron.Tos