JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sérgio Lobo : Audio 2 ne’e lo’os maibe tenki halo interpretasaun

Sérgio Lobo : Audio 2 ne’e lo’os maibe tenki halo interpretasaun

Porta voz Sentru Integradu Jestaun Krize (SIJK),doútor Sergio Lobo haktuir, audio rua husi sidadaun rua ne’ebé  izola hela, iha fatin izolamentu Vera Cruz, ne’ebé hatete sira la hetan tratamentu, husi médiku sira no sira mós, hela hamutuk iha sala ida ida lo’os maibé prezija halo mós interpretasaun liu husi faktus ne’ebé iha.

“Ami hakarak mós halo klarifikasaun ba notisia balun ke sai viral agora, prinsipalmente iha gravasaun rua ne’ebé sai viral iha whats-ap, iha ida autór lamenta kolega sira pozitivu ne’e la hatudu moras ida, laiha moras ida, sira  nia suhu normal la hasai sira ran ida, la hatene, tanba-sa maka ema saúde derepente tau sira pozitivu tiha, iha fali gravasaun seluk autór informa katak ema sira ne’ebé halo izolamentu ne’e toba hamutuk deit, la halo buat ida, la halo tratamentu buat ida, la simu aimoruk ida, la hatene lo’os ne’e izolamentu ga la’os izolamentu, lo’os duni ha’u bele konfirma duni, husi ne’ebé sira aprezenta ne’e lo’os, maibe interpretasaun maka sala, interpretasaun ba faktus ne’e maka sala,” deklara, Sérgio Lobo, ba jornalista sira, Sabado(18/04/2020) iha Centru Convenções Dili.

Eis Ministru Saúde iha Kintu Governu ne’e esplika, teste ne’ebé maka parte saúde halo ba ema hirak ne’ebé pozitivu ne’e la’os husi ran, maibé liu husi kaben tasak, ne’ebé iha pasiente nia garganta, no mós inus laran.

“Jadi teste halo ba iha Hotel katuas ne’e la’os ba ema suspeitu deit teste ne’e halo tanba relasiona ho kazu pozitivu ida iha ne’eba, i teste ne’e halo ba okupantes hot-hotu iha Hotel katuas ne’e, ema sira konfirmadu, ema sira kuarentena mós halo teste, pesoal saúde ne’ebé halo servisu iha ne’eba mós halo teste, funsionariu sira iha ne’eba mós halo teste hotu, i teste ne’e mos la’os hasai ran, teste ne’e halo husi Swab hasai amostra, tuir gravasaun ke 2, sira barak ba izolamentu ne’e la senti moras ruma diak hela, lo’os duni, izolamentu ne’e la’os deit ba ema sira ne’ebé hatudu moras deit, izolamentu mos ba ema hirak ne’ebé teste pozitivu,”esplika, Sérgio Lobo.

Lee hotu :   KM aprova proposta dekretu lei ba importasaun transporte

Tuir dadus husi Sentru Intregradu Jestaun krize, iha loron Sabado (18/04/2020), Timor-Leste rejista kazu pozitivu 18, no nain 1 rekopera, negativu 195, ema ne’ebé hein rezultadu 97.Jen

Add to Comments Here!!!!

error: Content is protected.
Secured By miniOrange
You might also like:
UIP fasilita formasaun daruak ba Jornalista 39

Kordenadór Unidade Informasaun Públiku(UIP),José da Costa...

Kobransa ilegal ba komunidade, PAMD ameasa prosesa autoridade lokal ba MP

Prezidente Autoridade Munisípiu Díli (PAMD), Gaspar...

Atu prevene COVID-19, PNTL ho F-FDTL halo auto stop iha Baucau

Polísia Nasionál Timor-Leste no  Falintil  Forsa...

Close