JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Suspeitu COVID-19 na’in 2 hein rezultadu, Ema 164 pasa ona husi kuarentena

Suspeitu COVID-19 na’in 2 hein rezultadu, Ema 164 pasa ona husi kuarentena

Membru husi Sentru Integradu Jestaun Krize (SIJK) Corona Virus Disease (COVID-19), Eis Ministru Saúde Sergio Lobo hatete, to’o Domingo (05/04/2020) meudia ne’e dadus ema suspeitu COVID-19 mak sei hein rezultadu teste na’in 2 no ema nain 164 mak sei haruka fila ba uma tanba pasa ona kuarentena durante loron 14.

Nia esplika, to’o agora Timor-Leste sei mantein ho númeru pozitivu nain ida no numeru negativu 42 husi total suspeitu 44.

“Kazu suspeitu 44, nain 2 foin mai husi suai covalima, vizilasia epidomolojia ba kedas hodi foti amostra, kazu provoavel agora hela deit 2, tanba nain 8 seluk rezultadu iha ona, negativu agora 41,”dehan, Sergio lobo iha Sala Situasaun Centru Convençoes Dili, Domingo (05/04/2020).

Nia aprofunda liutan, dadauk ne’e, ema ne’eb’e halao kuarentena hamutuk 1.220 ne’eb’e kompostu husi Dili nian 1.016, husi munisipiu 204, Dili nian ema 861 mak kuarentena iha hotel.

Iha mos ema nain 62 iha halao kuarentena iha ró 4 nia laran mak tama mai Timor husi dia 1 to’o dia 3 Abril, ema sira iha ró no hetan ona asistensia husi ministeriu saúde hodi halo vizilansia.

“Aban sei iha ema 164 mak sei sai husi fatin kuarentena, 92 sei kompleta, balun sai aban no balun husi Otel novu orizonte no balun husi otel audian,”dehan, nia.

Enkuantu tuir dadus mundial ema ne’ebé infetadu ba COVID-19 hamutuk 1,203,460, mate 64,772 no rekopera hamutuk 247,294.

Nune’e mos, dadus husi loron Sábadu nian, iha Ema 1.623 kontinua iha kuarentena, na’in 8 hein hela rezultadu teste mostra.

Eis Primeiru Ministru, nu’udar mós membru husi Sentru Integradu Jestaun Krize (SIJK) COVID-19, Rui Maria de Araújo, hatete,to’o iha Sábadu meudia ne’e, dadus ne’ebé tama, hatudu katak Timor-Leste sei mantein ho númeru pozitivu nain ida, no ema ne’ebé kuartena aumenta tan ruanulu resin.

Lee hotu :   FONGTIL: Sistema edukasaun la’o la efetivu

“Dadus ohin ninia to’o 12 :00 meudia,primeiru sira ne’ebé kompleta ona 14 dias Kuarentena aumenta tan nain 6,kompara ho horiseik hamutuk 336,sira ne’ebé sei iha konfinamentu obrigatóriu ka kuarentena to’o ohin 12:00 oras hamutuk hotu 1623 sei ita kompara ho horiseik,nia aumenta ema 27 iha kuarentena,total ema ne’ebé suspeitu laiha Mudansa mantein nafatin hanesan horiseik,iha 42,ema ne’ebé provavel ka sei hein ninia rezultadu nain 8,to’o ohin tuku 12:00,ema ne’ebé konfirmadu iha virus korona ka COVID-19 sei nafatin 1,hanesan fulan liu ba,ema ne’eb’e negativu husi horiseik mai ohin aumenta tan ida rezultadu ne’ebé mai husi laboratorium,I total komulativu sira ne’ebé negativu ne’e iha 33 horseik iha 32 ohin iha 33 aumenta ida”.hatete Eis Primeiru Ministru,ba Jornalista sira, Sabadu(4/04/2020),iha centru convenções Dili.

Rui Araújo husu ba populasaun hotu lalika taridu, tanba sira sei fó informasaun nafatin ba públiku kona ba COVID-19, nune’e populasaun sira nafatin antesipa, ba moras ne’e iha fatin ne’ebé no iha  kualker tempu.

“Pontos importante ne’ebé sala de situasaun hakarak subliña ba públiku tomak,primeiru iha 24 oras nia laran laiha suspeitu foun,kazu konfirmadu sei nafatin ida,ministeiru saúde ninia ofisiais sira  nafatin servisu,iha fatin entrada hot-hotu,ho mós fatin kuarentena ka konfinamentu obrigatóriu iha Dili no mós iha munisipiu sira,kontinua rekomenda ba populasaun tomak iha Timor Leste nia laran,atu nafatin halo konfinamnetu volentariu ida ne’e signifika lalika sai husi uma wainhira la presiza”. Dehan Araújo

Enkuantu tuir dadus mundial,iha loron(4/04/2020),ema ne’ebé infetadu hamutuk, 1,121,917, mate 59,401. no rekopera hamutuk 230,316.

Alende ne’e, iha loron Sesta (03/04/2020) COVID-19 iha TL suspeitu 42, nain 9 hein rezultadu

Lee hotu :   Kompañia TSSFD sei fó servisu ba Timor-oan 10.000

Númeru atual suspeitu ba COVID-19 iha Timor-Leste (TL) ne’ebé fo sai husi Sentru Integradu Jestaun Krize katak dadaun ne’e numeru suspeitu sae ba 42  no rezultadu teste ba ema 32  hatudu negativu no positivu mantein ho ida.

“Suspeitu aumenta 7 ho total 42, provavel hein rezultadu nain 9, no konfirmadu 1, rezultadu negativu nain 8 ho total sai 32,” dehan, Porta voz ba Sentru Integradu Jestaun Krize, Odete Viegas iha Centro Convenções de Díli, Sesta (03/04/2020).

Odete hatutan, dadus aktual husi MS, 3 de Abril, konfinamentu obrigatoriu ka kuarentena fatin preparadu husi Ministeriu Saúde no ministeriu relevantes sira, iha munisipiu aumenta 8 ho total 117, iha Dili nafatin 138.

Ddadus ba oteis sira, iha munisipiu aumenta 6 ho total 77, iha Dili aumenta 63 ho total 774, pasa ona kuarentena durante loron 14 iha periodu inkubasaun kompostu husi Dili nafatin 330, no husi munisipiu aumenta 4 total 341, konfinamentu obrigatoriu atual iha aumenta 61, ho total 1096. Jen /Ida

 

Add to Comments Here!!!!

error: Content is protected.
Secured By miniOrange
You might also like:
Dom Virgílio: Sarani Katóliku tenke hametin fiar hasoru COVID-19

Arsebispu Arkidioseze Metropolitanu Díli, Dom Virgílio...

Prevene COVID-19, FM husu PNTL kontrola movimentu komunidade ho rigór

Fundasaun Mahein (FM)  husu ba Polísia...

Timor-oan nain 10 ne’ebé suspeitu ba COVID-19 he’in rezultadu teste

Sentru Integradu Jestaun Krize ba COVID-19...

Close