JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Timor- Leste rejista kazu COVID-19 ativu lima, ida rekopera

Timor- Leste rejista kazu COVID-19 ativu lima, ida rekopera

Porta Voz  Ekipa Sentru Integradu Jestaun Krize (SIJK), Rui Maria de Araújo hatete, sidadaun ne’ebé konfirmadu Corona Virus Disease 2019 (COVID-19),oras ne’e sidadaun nain lima (5), no halo ona tratamentu iha Sentru Vera Cruz, no antes ne’e nain ida (1) rekopera no fila ona ba uma.

Husi sidadaun nain 5 ne’ebé pozitivu COVID-19, nudar estudante Timor-oan ne’ebé fila husi nasaun infetadu Indonézia, no hetan Kuarentena iha Hotel Katuas-Díli.

“Dadus kona-ba moras COVID-19 loron ohin nian, ita bo’ot bele haree m’os iha grafiku tau iha ne’eba,ema halo konfinamentu obrigatoriu hamutuk 570,ema ne’ebé ita diskonfia, signifika hatudu sintomas ho mós mai husi fatin afeitadu ho  mós iha kontaktu hamutuk hotu 178, ne’e númeru akumulativu hahu husi dia 6 de marsu to’o ohin, husi 178 iha 34 maka ita sei hein hela rezultadu husi laboratoriu, iha nain 6 maka konfirmadu, husi nain 6 konfirmadu, 1 koradu tiha ona hanesan ita bo’ot sira akompañia, nain 5 maka agora iha fatin izolamentu vera cruz, ne’e signifikadu iha 24 horas nia laran ikus ne’e iha tan nain 2, maka rezultadu analiza hatudu katak konfirmadu COVID-19,”informa, Rui Maria de Araújo ba Jornalista sira iha Centru Convenções Dili (CCD), Tersa(14/04/2020).

Eis Ministru Saúde ne’e mós klarifika ba públiku katak, transporte ne’ebé uza hodi tula pasajeirus husi fronteira ne’e hetan kontratu husi governu,tanba ne’e sira la tula pasajeirus seluk.

“Sira nain 5 ne’ebé maka oras ne’e dadaun konfirmadu ne’ebé agora dadaun ita halo hela izolamentu iha vera cruz,sira viajen hamutuk iha kareta ida deit, iha dia 1 de abril, husi fronteira mota ain mai to’o iha hotel katuas, viajen ida ne’e sira halo iha auto caro ka bis ida ne’ebé ekipa vizilansia ministeriu saúde aluga atu tula espesifikamente ba Timor-oan sira ne’ebé tama husi fronteira mai, auto caro ka bis ida ne’e la tula tan pasajeirus sira seluk,” haktuir, Rui de Araújo.

Lee hotu :   Povu selebra restaurasaun indepensia ho simples

Rui informa liutan, dadaun ne’e ema ne’ebé hala’o hela kuarentena hamutuk 570, no ema rihun ida resin mak konsege pasa ona, tempu kuarentena durante loron 14, no fila ona ba uma.

  • Sidadaun 52 pasa kuarentena fila hikas ba uma

Diretór Gabinete  Apoiu Jurídiku Contajiozu, Belarmino  da Silva Perreira, hatete, sidadaun nain 52 ne’ebé fila hikas ba sira nia hela fatin tanba kompleta ona kuarentena  no durante ne’e la hatudu sintoma ruma husi COVID-19 no sira ne’e kompostu husi mane nain 33 no feto 19.

“Prosesu re-intregasaun ohin loron nian ne’e, ninia prosesu ne’e komesa kedas inisiu loron primeiru sira tama, kuandu sira tama tiha iha ne’e, iha parte saúde nia halo observasaun, liu-liu ba sira nia vital siensia dader no lorokraik, akompañia intesivu husi loron primeiru to’o catorze, ne’e maka sira ne’e deside sai iha kuaretena tibar nian  hamutuk 52 pesoas, sira ne’e husi observasaun saúde nian, durante prosesu kuarentena hateten katak sira livre husi sintoma ne’ebé relasiona ho COVID-19 nian, hanesan ne’e maka ohin loron ita entrega sira ba ida-idak nia munisipiu, hodi fila ba sira ida-idak nia familia,”Haktuir, Belarmino da Silva ba Jornalista sira, Tersa (14/04/2020), iha Kuarentena-Tibar.

Iha fatin hanesan, sidadaun ne’ebé kuarentena, João Paulo da Costa Gomes agradese tebes, ba esforsu husi parte hotu, ne’ebé buka dalan hodi halo prevensaun ba moras refere.

“Ha’u hakarak hato’o deit ba parte komunidade sira,durante ami kumpri regra kuarentena durante 14 dias, halo halo tuir duni regras husi pesoal saúde ne’ebé fó mai ami, sim hau hakarak agradese tebes ba seguransa-defeza, no agredese tebes espesial ba ita nia pesoal saúde sira no dótor sira, ne’ebé maka durante ne’e halo vizilansia mai ami, ami só bele hato’o deit ami nia obrigado barak ba sira, sira nia atendimentu diak tebes, maske kolega balun, ladun kumpri regulamentu, maibé sira sempre fó hanoin mai ami hodi tuir regulamentu ne’ebé sira fó ona”, hatete, Paulo da Costa.

Lee hotu :   Inan sibuk ho Facebook, oan sai vítima iha eskola

Antes fila ba ida-idak nia hela fatin, ekipa saúde mos direitamente entrega atestadu medikú ba sidadaun hirak ne’ebé kumpri ona tempu kuarentena, hodi sai evidénsia katak sira laiha sintomas ba COVID-19, maibé tenke kontinua mantein meiu preventiva sira ne’ebé Ministeriu Saúde fó sai ona.Jen

 

Add to Comments Here!!!!

error: Content is protected.
Secured By miniOrange
You might also like:
PNTL munisípiu Díli la autoriza ninia membru komunika direta ho ema iha kuarentena

Atu evita membru Polísia Nasionál Timor-Leste...

Kazu krime menus durante Estadu Emerjénsia

Segundu Komandante Polísia Nasionál Timor-Leste (PNTL),...

KHUNTO rezeita informasaun hola parte iha koligasaun FRETILIN no PLP

Deputadu bankada Kmanek Haburas Unidade Nasionál...

Close