JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Traballadór kompañia Perissos halo greve

Traballadór kompañia Perissos halo greve

Traballadór sira iha kompañia Perissos halo greve, tamba kompañia la trata sira ho dignu ,durante Estadu Emerjénsia.

“Ami traballadór sira ne’ebé servisu iha armajen kompaña Perissos servisu nafatin maske Prezidente Repúblika dekreta ona Estadu Emerjénsia, maibé kompaña eziji nafatin ami servisu nafatin no kompaña la fasilita ami ho maskra, luvas no intensivu ruma, pior liu maka kompañia hatete mai ami katak, imi servisu nafatin maka moras ruma ne’e ami la hatene, maibé Estadu maka hatene ne’e halo ami laran tristeza”, hatete Porta Voz traballadór  Marito da Costa Belo, ba JNDiario, Tersa (14/04), iha armajen Perissos Díli.

Tuir Marito da Costa Belo, katak  maske  Estadu Emerjensia, kompañia Perissos ezije nafatin traballadór sira atu servisu hanesan babain, maibé laiha tratamentu ida ne’ebe diak tuir regra Estadu Emerjensia nian.

“Ami traballadór sira halo greve no ameasa sei la hala’o servisu iha armajen Perissos durante Estadu Emerjénsia, bainhira kompañia laiha insentivu, no la fasilita ami ho ekipamentu saúde , hanesan maskra , luvas no handsanitizer, hodi nune’e ami bele prevene surtu COVID-19”,dehan Marito Belo.

Nunee mos Traballadór Vicente Maikode , sente laran triste, tamba nain ba kompañia rasik hasa’i lia fuan ida ne’ebé la ho sentimentu umanu, signifika nain kompañia Perissos hakarak ema hirak ne’e mate hotu atu nune’e nia mesak moris.

  • Seidauk simu billete Seguransa Sosiál

Traballadór kompañia Perissos 54 ,ne’ebe hala’o ona servisu tinan 3 to’o agora seidauk iha bilete seguransa sosiál.

“Ami nain 54 ne’e servisu iha kompañia Perissos tinan 3 hahú husi 2017 mai to’o agora ona,maibé ami laiha bilete konabá seguransa sosiál nian,ami husu patraun manajer sira dehan governu maka seidauk aprova buat ne’e ,ami laran tristeza tebes maka ami ni akolega 20 resin sai husi servisu sira nia osan seguransa sosiál laiha ,tamba bilete laiha ami nia saláriu fulan-fulan tenki koa $4,50 Cent ami nia osan koa tinan 3 ne’e ba hotu ne’ebé”,dehan  Reprezentante traballadór kompaña perissos, Abel Sarmento.

Lee hotu :   Riak Leman: PR Lú Olo preokupa CCLN laiha fatin hala’o servisu

Traballadór kompañia Perissos lamenta ba servisu administrasaun kompañia nian durante ne’e , tamba to’o agora traballadór hirak ne’ebé servisu iha armajen , seidauk hetan bilete seguransa sosiál.

Tuir traballadór sira katak, kada fulan kompañia koa USD4.50 husi sira nia saláriu , ba seguransa sosiál, durante tinan tolu ,maibé sira rasik laiha koñesimentu oinsa asesu ba osan seguransa sosial ne’e rasik.

Reprezentante traballadór ne’e haktuir, traballadór kuaze ruanulu resin servisu tinan 2 to’o 3 maka sai ona, maibé sira nia osan seguransa la foti to’o lakon de’it, tamba sira nia bilete seguransa sosiál laiha.

Relasiona ho problema ne’e , jornalista JNDiario tenta halo konfirmasaun ho manajer kompañia perissos, Afuk Lay ho Meliany Sanjaya Tjioe, maibé sira nain rua lakohi fó komentáriu ba preokupasaun nebe traballadór hato’o.

Total traballadór Timor oan ne’ebé servisu iha armajen kompañia Perissos hamutuk 54. Tos

Add to Comments Here!!!!

error: Content is protected.
Secured By miniOrange
You might also like:
Timor- Leste rejista kazu COVID-19 ativu lima, ida rekopera

Porta Voz  Ekipa Sentru Integradu Jestaun...

PNTL munisípiu Díli la autoriza ninia membru komunika direta ho ema iha kuarentena

Atu evita membru Polísia Nasionál Timor-Leste...

Kazu krime menus durante Estadu Emerjénsia

Segundu Komandante Polísia Nasionál Timor-Leste (PNTL),...

Close