Asosiasaun Motorista Transporte Publiku halo protesta hasoru MSSI

Asosiasaun Motorista Transporte Publiku halo protesta hasoru Ministeriu Solidariedade Sosial no Inkluzaun tanba  seidauk realiza promesa  atu fo subsidiu ba motorista sira.

Iha dekretu implementasaun ne’ebé governu aprova ona, hodi apoiu empreza no traballador sira, inklui mós motorista transporte públiku sira hanesan taxi bus no mikrolete maibé to’o ohin loron seidauk realiza

Porta-Vos Motorista  Egas Ximenes da Costa hateten motorista hamutuk atus 6 resin ne’ebé durante ne’e halo operasaun hodi tula pasajerus iha Kapital Dili no Munisípiu  halo asaun protesta iha resintu ministeriu solidariedade Sosial no inkluzaun ne’e tanba MSSI la simu sira nia dokumentu bainhira sira atu rejistu hodi hetan subsidiu husi Governu.

     “Governu liu husi Ministeriu Asuntu Parlamentar no ekonomia interino hateten katak motorist hotu-hotu tenki tuir prosedementu legal no tenki mai registo iha departamentu suguransa social neste momentu ami motorist mai iha fati ne’e hodi hato’o ami nia pedidu ou ami nia proposta maibe husi diresaun rasik la atende ami ho razaun katak seidauk iha despacho ruma husi nivel alto hateten Egas Ximenes da Costa

Portavos ne’e mos husu ba Governu atu responde lalais  sira nia preokupasaun nune bele responde sira nia situasaun.

     “Ami husu ba governu atu responde lalias ami nia preokupasaun ne’e labele karaganta deit maibe tenki realiza duni sira nia promesa ne’e sekarik iha tempu badak mak la responde ami sei organija malu hodi hasoru MERLAP no Parlamentu Nasional katak Egas

Hatan ba protesta husi motorist sira nian ne’e Prezidente Instituto Nasional Seguransa Sosial Longuinhos Armando  hateten to’o agora nia parte seidauk hetan despacho  ruma husi nivel Alto.

“Maske governu liu husi konselhu ministro aprova ona ba subsidiu ne’e maibe to’o agora seidauk iha desopaicho ruma husi nivel alto atu halo registu ba motorista sira inklui mos kada familia atu simu dolar atus ida tanba Presidente Republika seidauk Formulga dekretu ne’e hodi fo biban ba governu atu fo subsidiu ba ita nia sidadun sira hodi responde situasaun emerjensia ne’e  informa Longuinhos.

Antes ne’e konsellu ministro deskuti  no hetan ona aprovasaun subsidio ba trabalador sira hotu inklui motorista sira no mós Xefe Familia hodi responde situasaun estadu emerjensia ne’e

Antes ne’e Ministro Coordenador Asuntu Economia Fidelis Maghalaens deklara ona ba publiku  hodi husu ba motorista sira atu  ba rejistu iha Ministériu Solidaridade Sosial no Inkluzaun hodi hetan subsidiu.aba