Autoridade lokál husu Governu hadia sistema tratamentu subsídiu ba komunidade

Xefe Aldeia 03, suku Fatuhada, Postu Administrativu, Dom Aleixo, Munisípiu Díli, Jeferino Bras, husu  Governu hadia sistema tratamentu subsídiu ba komunidade.

Xefe Aldeia 03, Suku Fatuhada, Jeferino Bras, preokupa ho formuláriu ne’ebé Ministeriu Administrasaun Estatal (MAE) fahe ba Suku no Aldeia atu distribui ba komunidade hodi hetan subsídiu iha situasaun emerjénsia ne’e tanba servisu ne’ebé Ministériu Estatal fo ba Autoridade lokal sira ne’e laiha finanseiru, no  autoridade lokal sira mak tenke hasai sira-nia osan rasik hodi foto kopia formuláriu sira ne’e hodi distribui ba populasaun.

Karta ne’e Munisípiu Díli foin mak distribui ba autoridade lokal sira iha loron 30 Fulan Abril ne’e.

 “Formuláriu mai husi estatal ka mai husi munisipio mai iha dia 30, serkulasaun iha nia laran katak numero registo iha dia 01 tenki to’o hotu iha munispio formuláriu sira ne’e mai iha dia 30 lokraik, iha ne’e ami simu ordem hau hanesan autoridade lokal hau simu ordem katak, hakarak ka lakohi tau formuláriu ida ne’e mais ba hau hanesan autoridade lokal tempu mak lato’o hau fahe ba komunidade e orsamentu mai aldeia laiha e lei lafoo kobransa ba populasaun hau bazeia nafatin ba lei ne’ebé mak iha, hateten Zeferino Bras ba GMN iha Fatuhada Dili Sábadu (09/05).

Xefe Aldeia Zero Tres mos preokupa ho formulariu ne’e tanba orsamento laiha para atu kopia surat ida ne’e.

“Agora formuláriu ida ne’e sosa iha rental mak los ka, estadu haruka mai mak los hau husu ba estadu tenki buka tuir ida ne’e tanba uza blanco rdtl, se administrador harukla mai mak ida ne’e, ida ne;e horseik sosa 1 dolar, ne’e duni hau hanesan xefe aldei la autoriza hau nia komunidade hatama 1 dolar para kopia ida ne’e ami halo surat realorio kolektivu deit”no Jeferino Bras mós preokupa kona ba involvimentu Xefe Aldeia nian  ba pakote COVID-19 durante estadu emerjénsia ne’e”,dehan nia.

Total Aldeia iha Suku Fatuhada hamutuk 5 ho total populasaun 3415. Dadus Família permanente iha Suku Fatuhada hamutuk 2513 no  provizóriu 530.aba