Ekipa task force servisu asesmentu rápida ba dezastre simu sertifikadu apresiasaun

Ministériu Agrikultura no Peska (MAP) entrega sertifikadu apresiasaun ba membru ekipa task force, ne’ebé halo servisu asesmentu rapida  hodi responde ba dezastre sira hanesan, moras fahi inklui halo asesmentu ba pesti (ular tentara) ne’ebé ataka batar no haree iha Munisipiu sira.

“Ami halo asesmentu ne’e ba iha Munisipiu sira hotu, hodi hare impaktu hodi dezastre refere iha komunidade sira”,dehan Kordenadora ekipa task force, Joanita Jong, ba Jornalista sira Kuarta (13/05/2020) iha Komoro Díli.

Kordenadora ekipa task force, informa maske Timor-Leste iha hela situasaun covid-19 nia laran, maib´ekipa refere nafatin iha komitmentu hodi tun ba halo asesmentu rapidu, ne’ebé nia relatoriu sei iha hela progresu no bainhira remata mak sei fó sai.

“Ami sei rekomenda ba kada Diresaun Tekniku iha Ministériu laran, oinsa halo planu ba futuru tenke konsidera hodi planu hodi responde ba dezastre nian, tanba bainhira atu halo planu ba tinan oin ita tenke hare katak, bainhira tempu bai-loron naruk saida mak agrikultura sira halo hodi responde ba  dezastre ne’ebé tuir mai”subliña Joanita Jong.

Nia afirma, iha asesmentu rapidu ne’e ekipa task force la identifika espesifiku Munisipiu ne’ebé, maibé sei hare liu ba dezastre vulneravel ne’ebé akontese barak.

Ministériu MAP, Joaquim Gusmão, agradese ba esforsu hosi ekipa task force ne’ebé servisu makas ona hodi halo asesmentu rapidu ba dezastre sira, ne’ebé akontese iha bai-loron naruk no peste sira ne’ebé ataka produtu agrikultura nian.

 “Tinan kotuk iha mós peste moras fahi no peste ular tentara, ne’ebé oho fahi barak mate inklui barak no haree komunidade hetan estraga tanba ataka hosi peste ular tentara, entaun ho ekipa ne’e bele responde lalais ba situasaun ne’ebé komunidade agrikultura sira hasoru”.

Governante ne’e realsa, degastre agrikulkura afeta ba rendimentu no produsaun, tanba ne’e MAP presiza iha ekipa ida atu prontu iha kualker tempu halo halo mitigasaun hodi responde lalais ba dezastre sira ne’ebé iha.Fel