JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Fidelis Magalhães: Subsídiu ba povu sei hein dadus

Fidelis Magalhães: Subsídiu ba povu sei hein dadus

Ministru Estadu Fidelis Manuel Leite Magalhães, hateten, Ministériu Implementadór sira sei foti dadus no halo despaixu ministerial sira antes atu atribui subsídiu ba traballadór no populasaun sira.

Tuir Fidelis Magalhães Governu laiha intensaun atu prolonga processo atribuisaun subsídio hirak ne’ebe maka Governo prepara ona. Nia konsidera subsídio hirak ne’e importante tebes atu implemeta lalais no labele tarde. Governante ne’e mos salienta kata data lolos ba implementasaun ne’e ministério implementador sira mak sei hatene. No oras ne’e dadauk Ministério sira  halao namanas hela levantamentu ba dadus uma kain sira ne’ebe ho rendimentu menus husi dolar atus lima no loke hela rejistu extraordinário ba setor hirak ne’ebe maka merese hetan apoio  atu bele implementa plano hirak ne’e.

 “Fase importante tebes maka promulgasaun ita fo obrigado ba Presidente da Repúblika promulga ona dekretu Governo hirak ne’e. Agora ita tama iha fase implementasaun husi dekretu ne’e iha buat balun iha assuntu balu sei presisa regulamento despaixu ministerial que ne’e la’os kompleksu ne’e buat ida que ministério implementador presisa halo deit diploma ka despaixu ministerial hodi fasilita deit nia implementasaun. Exemplo ida maka kontribuisaun pursentu 60 ba trabalhador sira ne’ebe maka ita preve atui inklui mos sira ne’ebe servisu iha setor sira ne’ebe mak servisu iha setor sira hanesan transporte públiku. Atu organiza diak liu tan proseso rejistu presisa despaixu ministérial ida, mas ida ne’e la’os komplexu kabe liña ministerial atu halo para efetua nia implementasaun”, hateten Fidelis Manuel Leite Magalhães iha salaun Ministério Finansas Ai-tarak laran Dili Segunda(04-05)

Konaba mekanismu atribuisaun ba subsídio pursento 60 ba trabalhador sira Fidelis mos salienta katak sei hein processo registu ba empresa sira ne’ebe mak sei dauk registu iha seguransa sosial liu-liu motorista transporte públiku sira.

Lee hotu :   Kritika Xanana nia asaun karidade, Dom Norberto: Deputada ne’e fehuk ou bilán

“Ba empresa sira ne’e,  hakarak fahe ba ita boot sira katak dekretu lei promulga tia ona, hafoin de ida ne’e sa ida maka importante ba ita atu iha ne’e, maka lista ne’ebe iha seguransa sosial ne’e. Ba entidades balun hanesan motorista sira ne’ebe mak sei dauk rejista, bainhira kondisoens ne’e pronto ona bele iha tempu ba ita rejistu extraordinário. Entaun ida ne’e hanesan esforso ida para governo fo apoio ba empresa sira ao mesmo tempo nia benefisio ne’e sei to’o ba traballador sira. Ida ne’e mos hanesan oportunidade ida atu formalisa ita nia ekonomia ba futuro. Entaun ba futuro ita nia motorista sira sei kontribui ba seguransa sosial para iha futuro iha fali kalamidade ruma karik, ita monu karik labele monu riba liu ba rai, maibe iha protesaun sosial hodi aguenta situasaun difisil ne’ebe maka mosu no bainhira situasaun difisil ou kalamidade sira ne’e liu ona hotu-hotu bele rekupera nia moris no la sai vítima ba iha situasaun difisil sira hanesan ne’e”, afirma.

Governante ne’e mos akresenta tuir dekretu Governo nian ne’ebe hetan ona pomulgasaun husi Presidente Repúblika Governo konsidera empresa ki’ik sira ne’ebe ho trabalhador minimo nain tolu.Tuir Fidleis Orsamento prinsipal ba subsídio pursento 60 ne’e mai husi fundo covid-19  montante dólar 150  no bele mos  foti osan husi Institutu Seguransa Sosial nian depois mak tau fali, bainhira iha Orsamentu Jeral Estadu. Entretanto dekretu Governo nian konaba apoio direto ba agregado familiar, subsidio ba trabalhador no impressa sira publika ona iha jornal da repúblika iha loron 30 fulan abril ne’e.Oct

Lee hotu :   PR simu kredensial husi embaixadora Malaysia

 

Add to Comments Here!!!!

error: Content is protected.
Secured By miniOrange
You might also like:
PLP, FRETILIN ho KHUNTO sei halo destituisaun ba meja PN ■CNRT:Depois mak ita haree

Vise xefe bankada Partidu Libertasaun Popular...

Tiru joven ida iha Maubara, TDD aplika medida prizaun preventiva ba arguidu JAD

Tribunál Distritál Díli (TDD), iha Domingu,...

FRETILIN-PD tama lista membru governu foun, PM Taur: Ha’u la hasai CNRT maibe depende sira

Primeiru Ministru (PM), Taur Matan Ruak,...

Close