g7+ hala’o karidade ba povu Railako

Fahe sasan nesesidade báziku ba funeravel hamutuk ema nain 30 iha Posto Administrativu Railako munisipiu Ermera

Sekretariadu g7+ halo asaun karidade hodi fahe nesesidade báziku iha postu Administrativu Railaku, Munisípiu Ermera  Sekretariadu g7+ ne’e  konvida José Ramós  Horta hodi partisipa Nudar kualidade enviadu  espesial  hodi fahe simbolikamente ajuda komunitariu ne’e, ba komunidade Vuneravel sira.

“Ne’e inisiativa diak husi staff sekretariadu g7+ nian, ho orsamentu sira nian rasik, hatudu espíritu g7+ prinsípiu ida ne’e g7+ mak ida ne’e rai fraze rai ki’ak sira mós buka ajuda malu. Lori instituisaun ne’e nia naran instituisaun ne’e, internasional rekoñesidu ho sistema nasoens unidas halo inisiativa ne’e  iha ne’e”, esplika José Ramós Horta hanesan Enviadu Espesial g7+ ba JN-Diário iha Railako, Segunda (04/05/20)

Ramós Horta mós esplika la’os iha Railako deit, maibé iha fatin seluk mós halo dadauk ona, iha Munisípiu Dili depois sei ba tan iha Munisípiu Liquisa.

“Klaru komplementa atividades barak iha instituisaun estadu nian, instituisaun governu, internasional  mós halo par ajuda ita nia povo iha momentu difisil teb-tebes, ekonómia parádu la rezolve problema klean nian. Mais pelumenus enkuantu ita buka solusaun ba problema ekonómia balun tenki ohin han, aban han labele hein fali solusaun ida ke perfeitu”. Nia Hatutan

Eis preziente ne’e mós reforsa karidade ka solidaridade importante tebes iha iha situasaun emerjénsia.

“g7+ nia posibilídade mos modestu, la’os atu subtitui Estadu ou komunidade internasional bo’ot hanesan uni europea, Australia, Xina, japaun babain parseiru internasional Timor-Leste nian, mas sei ita hotu-hotu , buka halo buat ruma kiik hanesan  g7+ buka halo, hanesan igreja mós tenta halo, NGO balun halo ne’e hanoin bele, ita bele la rezolve karik hotu-hotu nia problema, maibé rezolve família lubuk ida nia problema” nia hakotu.

Laureadu nobel da paz ne’e mós hato’o nia espresaun kontente no orgullo tebes ba g7+ tamba  hanesan instituisaun internasional bele  halo ona kontribuisaun,  mezmo kiik hanesan mós  iha setor privadu balun husi  igreja inklui NGO balun ne’ebé dadauk ne’e ajuda ona família kbiit laek balun karik  kobre família hotu-hotu  maibé  kobre ona família lubuk ida ne’ebé maka persija liu.

Iha fatin hanesan Administrador Posto Administrativu  Railako  Arlindo dos Santos sente orgullo ho prezensa g7+ ho enviado espesial g7+ nian José Ramós Horta hodi tulun komunidade funeravel sira.

Xefe Administrador ne’e serbisu hamutuk ho nia autoridade lokal sira hosi identifika ema sira ne’ebé maka funeravel hodi hetan ajudus nesesidade báziku.

 “Primeiru ohin ita nia man fundador José Ramós Horta nian ohin bele mai postu adminstrativu railako segundo, programa ne’e bele ajuda ita nia komunidade  liu-liu ba sira ne’ebé maka vuneravel iha situasaun emerjénsia ne’e, bele par asesu ba tulun ne’ebé  asesu ba program g7+”, hateten, Arlindo dos Santos.

Nune’e mos, Domingos Magalhães Soares hanesan benefisiariu hatete, tamba ha situasaun emerjénsia ne’e, fó limitasaun atu labele halo atividade, hanesan lori produtu lokal atu ba fa’an iha merkadu.

“Tamba hau iha uma , sustenta alimentasaun maka la to’o hau rona katak, ajuda ruma ba hau maka hau mai ne’e, hau sente diak tamba governu ajuda”, orgullu, Domingos.Luc