JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Korea apoia material konstrusaun ba vítima inundasaun iha Díli

Korea apoia material konstrusaun ba vítima inundasaun iha Díli

Embaixadór Korea Sul ba Timor-Leste, Lee Chen Bum, apoia material konstrusaun nian ba Sekretáriu Estadu Protesaun Sivil hodi distribui ba Komunidade sira ne’ebé vítima inundasaun iha Kapital Díli.

Apoia governu Korenu nee iha oin-tolu, Material konstrusaun, apoiu emerjénsia husi UNFPA maka sasan dapur nian no sasan ba inan isin rua nian no mos sasan ba bebe nian.

 “Apoiu ne’ebé ohin Governu Korea,liu husi nia embaixadór oferese ne’e,ami distribui ba Komunidade ne’ebé afetadu ka vitíma ba inundasaun foin lalais ne’e,apoiu rekoperasaun mak hanesan sementi,kalen,ai,pregu,besi no sira seluk tán no mós apoiu husi UNFPA ne’e apoiu emerjénsia hanesan bikan,sanan,taxu no sasan inan isin rua no bebe sira nian ba kbi’it laek sira,maibé ba sasan apoiu emerjénsia ne’e ami rai hela iha armazen para Komunidade hetan dezastre ita bele responde ho lalais”, hatete  Sekretáriu Estadu Protesaun Sivil Alexandrin, Tersa (05/05) iha sede SEPC Caicoli, Díli.

Hafoin simu apoiu konstrusaun husi Embaixadór Korea Sul iha Timor-Leste,Lee Chen Bum, Sekretáriu Estadu Protesaun Sivil, orienta ekipa apoiu emerjénsia atu tun direta hodi foti dadus ba komunidade sira ne’ebé atu hetan apoiu rekoperasaun, tamba to’o agora seidauk iha dadus lolos ba vitíma inundasaun ne’ebé atu hetan material konstrusaun.

“Dadus ba vitíma inundasaun seidauk iha lolos ,tamba ne’e hau orienta ami nia ekipa apoiu emerjénsi atu hahú ohin Kuarta (06/05) tun direta hodi foti dadus atu nune’e iha tempu badak ita bele distribui ona material konstrusaun ne’e”, dehan Sekretáriu Estadu.

Governante nee hetan apoiu emerjénsia hanesan taxu,sanan,bikan husi United Nations Population Fund (UNFPA) ne’ebé kategoria ba apoiu emerjénsia no nesesidade bazika inan isin rua nian no ba bebe ninia.

Lee hotu :   OIT apoia rihun USD 748 ba família ho rendimentu ki’ik

Iha fatin hanesan Embaixadór Korea Sul iha Timor-Leste Lee Chen Bum,hatete apoiu ne’e tuir lolos sira entrega iha fulan kotuk, maibé ho situasaun Estadu Emerjénsia ba COVID-19 nune’e foin sira bele oferese.

Sasan hirak nee sei rai iha armazen Bebora Díli, nune’e wanhira dezastre ruma akontese bele responde lalais.

Sekretáriu Estadu Protesaun Sivil,konklui ona distribuisaun apoiu emerjénsia ba Komunidade sira ne’ebé vitíma ba inundasaun hamutuk 4.681 no sei iha 229 mak seidauk hetan apoiu emerjénsia,tamba evakua ona ba munisipiu.Tos

 

Add to Comments Here!!!!

error: Content is protected.
Secured By miniOrange
You might also like:
PNTL rejista kazu na’ok ida iha Comoro

Komandante Polísia Nasionál Timor-Leste (PNTL) munisípiu...

Armando Monteiro: Pasajeiru sira tenke uza máskara

Komandante Polísia Nasionál Timor-Leste (PNTL) Munisípiu...

Tuir previzaun MAP segundu époka produs hare hektar 19.495 tonelada

Ministeriu Agrikultura no Peskas (MAP) halo...

Close