JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

LH husu governu prioritiza família vulneravel ne’ebé merese hetan subsídiu

LH husu governu prioritiza família vulneravel ne’ebé merese hetan subsídiu

Sosiedade Sivil Lao Hamutuk (LH) konkorda ho polítika governu ba pakote ekonomia hodi fó subsídiu ba família uma-kain iha territóriu Timor laran, maibé Organizasaun Naun Governamental ne’e husu, atu governu prioritiza família vulneravel ne’ebé merese duni atu hetan subsídiu.

“Tuir ami nia observasaun família, ne’ebé merese hetan subsídiu mak tama kategoria, vendedór ambulante, vendedór modo-tahan fresku iha merkadu sira,vendedór aileba, taksista ,kondutór mikrolte, toos-nain, traballdór domestika, peskoadór,mekaniku no bengkel inklui seluk tan, dehan peskizadora Lao Hamutuk, Marta da Silva, liu hosi komferensia ba imprensa iha sentru formasaun ba impaktu covid-19, salaun FONGTIL Kaikoli, Tersa (12/05/2020).

Peskizadora ne’e haktuir, governu tenke hadia sistema baze de dadus atu asegura distribuisaun subsídiu ba uma kain sira ho lolos no efetivu, nune’e labele prejudika fali ba grupu vulneravel sira hodi kontinua hasoru moris iha situasaun ida, ne’ebé la seguru liu tanba presasaun ekonómiku durante Estadu emerjénsia.

“Pakote ne’e rasik seidauk iha eleborasaun ne’ebé konkretu no seidauk iha esplikasaun klean konaba, mekanizmu oinsa orsamentu hirak ne’e sei aloka ba uma kain sira, no husu ba liña Ministériu sira ne’ebé sei implementa no tau matan ba implementasaun pakote ne’e tenke asegura katak, subsídiu iha pakote EE ne’e ba duni família targetu sira” subliña Marta da Silva.

Nia afirma, idade produtivu iha Timor-Leste menus hosi porsentu 20 deit mak servisu iha setór formal,inklui ema hotu ne’ebé hetan salariu no selu taxa sira ne’ebé servisu iha ONG, Sosiedade Sivil, Instituisaun Internasionál no Nasionál, igreja no banku sira. Governu presiza fornese asistensia adekuadu atu sira bele sobrevive iha situasaun ida ne’e.

Lee hotu :   Traballadór kompañia Perissos halo greve

Iha fatin hanesan, Porta Voz Koru Grup Transparansia, Manuel Monteiro, akresenta subsídiu 100 dolar hosi governu ba família kada uma kain, tenke foka liu ba família ne’ebé vulneravel nune’e bele mantein fundu Estadu nian kontinua ba sustentabilidade Nasaun nia iha futuru mai.

“Ami hanoin katak, subsídiu ne’e governu tenke jere ho prudente no kuidaddu nune’e labele monu sala ba maluk sira, ne’ebé  sira nia ekonómia forte hela hodi sobrevive nia an,maibé aproveita tempu atu hetan tan rekursu seluk ne’ebé Estadu fó”.Fel

Add to Comments Here!!!!

error: Content is protected.
Secured By miniOrange
You might also like:
PM orienta MOP no SIJK ajusta planu reabilitasaun óspital Lahane

Primeiro Ministro, Taur Matan Ruak, orienta...

Durante EE DJE la rejista sasán folin sa’e iha merkadu

Diretur Jerál Estatístika Elias dos Santos...

Empreza Carsil ho Makikit Lemorai halo karidade ba komunidade vunerável Fatuhada

Iha loron Tersa,(12/05) Organizasaun Makikit Lemorai...

Close