JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Loron mundial liberdade imprensa, PM agradese servisu jornalista

Loron mundial liberdade imprensa, PM agradese  servisu jornalista

Komemorasaun loron mundial Liberdade Imprensa ne’ebé monu iha loron 03-05 ne’e,  Primeiru Ministru, Taur Matan Ruak, agradese  serbisu Jornalista sira nian iha Timor-Leste.

“Xefe Ezekutivu agradese tebes ba serbisu Jornalista sira nian iha  situasaun atual daudaun ne’e ne’ebé Mundu inklui Timor-Leste enfrenta hela pandemia surtu-Covid-19, hodi ajuda ita-nia komunidade sira bem-informado”, Hateten Primeiro-Ministro liu husi komunikadu ba imprensa ne’ebe mak Jornal Diário asesu iha Domingu ne’e.

Tuir komunikadu ne’e, Xefe Governu sente kontente ho serbisu Jornalista sira nian iha Timor-Leste ne’ebé divulga informasaun sira ba komunidade ho responsabilidade no tuir duni kode étika jornalista sira nian, maske hasoru difikuldades tanba rekursu umanu sei falta tebes.

Xefe Ezekutivu ne’e mos agradese tebes ba serbisu Jornalista sira nian iha  situasaun atual hodi ajuda komunidade asesu informasaun liu-liu iha momento ne’ebé Mundu inklui Timor-Leste enfrenta hela pandemia Covid-19.

Liu husi komunikadu ne’e Xefi Governo mos kompromete  atu hasa’e kapasidade Jornalista sira nian iha area jurnalizmu liuhosi SECOMS no organizasaun media sira-nian.

Alem de ne’e, Governu mós sei insentiva instituisaun media sira atu iha kbiit hodi kontirbui di’ak liutan ba prosesu konstrusaun Estadu no demokrasia iha rai laran liu hosi informasaun.Tanba media nu’udar pilar importante ida. Entretanto Xefi Executivo mos husu jornalista atu hamutuk hodi luta nafatin ba prezerva bem-estar povu nian liu hosi servisu Jornalista sira nian ne’ebé sempre sai lalenok ba ema ema hotu. Loron Internasiona Liberdade Imprensa rasik kria husi Nasoens Unidas iha loron  20 de Dezembro tinan 1993 liu husi artigo 19 Deklarasaun Universal Direitors Humanos no marka loron Deklarasaun Windhoek afirmasaun ida ne’ebe halo husi jornalista afrikano sira iha tinan 1991 hodi afirma liberdade imprensa hamatuk ho UNESCO.

Lee hotu :   Pagamentu 60% sei finaliza iha 15 Agostu

Rui Araújo kongratula jornalista sira

Nune’e mos portavoz Sentru Integradu Jestaun Krize (SIJK), Rui Maria de Araújo, hato’o kongratulasaun ba jornalista sira  relasiona ho loron mundiál liberdade imprensa, ne’ebé monu iha (03/05/2020).

Nia dehan, rajaun kongratula jornalista hotu tanba esforsu ona hodi halo diseminasaun informasaun ba públiku.

“Uluk nanain hakarak hato’o parabens ba ita bo’ot sira nia loron, agradese ba ita bo’ot sira nia servisu durante periodu ida ne’e, servisu barak sei iha mai oin, maib’e agradese dadaun ona buat ne’ebé imi halo,desiminasaun ba informasaun informasaun ne’ebé ita bo’ot sira halo ba públiku, ajuda teb-tebes, esklarese públiku ajuda teb-tebes, halo menus situasaun inserteza, situasaun inpaniku,  situasaun de ansiadade, tanba ne’e lori sala de situasaun sentru intergrade jestaun  krize nia naran, hakarak hato’o agradesimentu espesial ida ba jornalista sira hotu,” hatete, Rui Maria de Araújo ,ba Jornalista sira, Sábadu (2/05/2020),iha Centro Convenções ded Dili.

Rui Araújo mós husu ba jornalsita sira hotu, bainhira atu públika informasaun tenki halo verifikasaun ba faktus no dadus hotu, nune’e bele informasaun bele kredível no lo’os.

Hakarak mós apela ba ita bo’ot sira hotu, atu hatudu profisionalismu diak liu tan, liu-liu iha relasaun ho notisias falsas ka buat ne’ebé ita koñese dehan Hoax, ita hotu hatene katak durante pandemia Covid-19, ne’ebé maka mundu tomak infrenta, notisias falsu ka lae falsu sira bobar sira ne’e, as vezes naklekar daet lais liu fali virus ne’e,laos deit media sosial maibe mós media konvensional sira”.

Enkuantu loron liberadade imprensa, hahu kedas iha tinan 1993, no  legaliza husi Asembleia Nasional Nações Unidas.oct/jen

Add to Comments Here!!!!

error: Content is protected.
Secured By miniOrange
You might also like:
TL laiha nesesidade estende EE, Eis MED: Autoridade presiza harii BDN

Estadu Timor-Leste (TL) laiha nesesidade estende...

Jurista Júlio Crispim: Laiha dalan legál mantein VIII Governu

Jurista Julio Crispim, deklara, laiha dalan...

PNTL seidauk simu regras Estadu Emerjénsia segunda faze

Polísia Nasionál Timor-Leste (PNTL) seidauk ezekuta...

Close