JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MAE sei elimina dadus família ne’ebé rendimentu USD 500.00 ba leten

MAE sei elimina dadus família ne’ebé rendimentu USD 500.00 ba leten

Ministériu Administrasaun Estatal (MAE) sei elimina dadus ba família ne’ebé kada fulan ho rendimentu USD 500.00 ba leten.

“Tuir lei dekretu lei númeru 15/2020, hatete subsidiu ba uma kain, ba família ne’ebé kada fulan iha rendimentu dolar atus 500 tenke elimina, tantu fúnsionariu públiku, PNTL, F-FDTL, no idozos sira”, dehan Diretór Nasionál Administrasaun Suku, Egas José Caetano, Segunda (11/05/2020) iha Kaikoli Díli.

Diretór Nasionál haktuir, dadus fixa família ba komunidade iha direitu atu hetan subisidiu no dadus ne’ebé sei elimina, rezultadu sei print out hodi haruka ba taka iha kuadru avizu Suku no Postu Administrativu  sira, nune’e parte autoridade ho família sira bele hatene.

“Lista ne’ebé naran eleminadu tanba rendimentu dolar atus 500 ba leten no dadus komunidade iha direitu simu subsidiu 100 dolar, sei ba taka iha Suku no Postu Administrativu  sira hodi fó oportunidade ba komunidade sira atu hato’o sira nia reklamasaun durante loron 5 to’o 15, karik iha komunidade balun naran laiha inklui sira ne’ebé naran elimina”afirma Egas Jóse Caetano.

Nia subliña, MAE sei halo fali verifikasaun no komfirmasaun ba dadus fixa família, tanba dadus ne’ebé iha mai hosi  Autoridade sira, entaun kada autoridade hatene ona sira nia komunidade hahu hosi total família no total populasaun iha aldeia no suku sira.

“Dadus ne’ebé tama ona iha MAE, ami regista no haruka ba Ministériu Solidariedade Sosial no Inkluzaun (MSSI), hodi hatama ba sistema atu koa família ne’ebé ho rendimentu  dolar atus 500 ba leten. Antes atu fahe subsidiu ba komunidade iha nível aldeia no suku, ekipa hosi MAE ho MSSI hamutuk  ho Administradór Postu ho Munisipiu, sei halo sosializasaun ba komunidade relasaun ho naran komunidade ne’ebé elemina no naran ne’ebé iha inklui kriteria direitu atu hetan subsidiu 100 dolar”.

Lee hotu :   COVID-19 TL, Pasiente maioria juventude ho imunidade diak

Konaba mekanismu pagamentu, MSSI sei kordena ho Ministériu Finansas (MF) ho Banco Nasionál Komersiu Timor-Leste (BNCTL) hodi halo transferensia direita ba konta bankaria Munisipiu hotu, hafoin Autoridade sira foti nune’e be’e fahe tuir nível aldeia.

“Ami espera subsidiu ba kada família sei bele realiza iha fulan Maio, maibé depende ba dadus hosi Munisipiu sira, tanba ate a data falta Munisipiu 2 mak seidauk hatama sira nia dadus ne’e mak Munisipiu Díli ho Rejiaun Administrativa Espesial Oe-cusse Ambeno (RAEOA)”.

Enkuantu, tuir dadus kalkulasaun hosi MAE, iha ona dadus populasaun hamutuk 240 ital mil, mak regista ona hosi fixa família, maibé númeru ne’e seidauk elimina família ne’ebé rendimentu 500 dolar ba leten.

Bazea ba dadus sensus populasaun tinan 2015, iha total populasaun hamutuk 204 mil no dadus sensus agrikula tinan  2018 iha populasaun 218  mil, entaun konta hosi tinan 2015 mai númeru populasaun aumenta makas.Fel

 

Add to Comments Here!!!!

error: Content is protected.
Secured By miniOrange
You might also like:
Enkontru informal PM-UPMA diskute preparasaun OJE 2020 no 2021

Primeiru Ministru (PM), Taur Matan Ruak, ...

Fulan maiu Governu sei distribui subsídiu USD 100.00 kada uma kain

Governu sei distribui, subsídiu USD 100.00...

Kombate informasaun falsu, SEKOMS enkontru daruak ho entidade relevantes

Atu kombate informasaun falsa iha medía...

Close