JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MSSI deskonfia Autoridade Lokál balun inventa dadus benefisiáriu ba subsídiu família

MSSI deskonfia Autoridade Lokál balun inventa dadus benefisiáriu ba subsídiu família

Diretór Jerál Ministériu Solidaridade Sosiál no Inkluzaun, Rui Manuel Gago Exposto, deskonfia Autoridade Lokál sira balu inventa dadus benefisiáriu sira ba subsidiu familia, tanba Autoridade Lokal balu rejista mos ema nebe seidauk forma uma kain.

“Hau rona dehan katak,dadus ne’e ema kos sira mós halo hotu lista xefe família ne’e xefe aldeia xefe suku tenki responsabiliza nia kos nia inan aman mak iha direitu atu simu, tamba nia laos hari uma kain nune’e kecuali nia iha fen no oan  xefe suku no aldeia sira tenki tau atensaun ida ne’e kecuali nia iha fen no oan  ne’ebé xefe suku no xefe aldeia para aban bain rua atu fase liman ida ne’e autoridade sira nia responsabilidade maxímu ba dadus”, hatete  Rui Manuel Gago Exposto, ba JNDiário, Kinta (21/05), iha nia kna’ar fatin Caicoli Díli.

Rui Exposto, hateten, dadus benefisiáriu ne’ebé Ministériu ESTATAL hatama ba Ministériu Solidaridade Sosiál no Inkluzaun,dadaun ne’e sei iha hela prosesu verifikasaun, tamba parte MSSI deskonfia dadus ne’e Autoridade Lokál sira rejista hotu ema balun ne’ebé seidauk hari’i uma kain.

Autoridade lokál sira manipula dadus  sira tenki responsabiliza iha futuru ,tamba ne’e hakerek ona iha Lei iha despaisu konjunta ministeriu ninia ne’e mós hakerek klaru iha ne’eba sé karik  aban bain rua iha problema ruma sira responsabiliza ne’ebé husu ba autoridade sira atu konsidera asuntu ida ne’e  ne’ebé, wanhira sira halo deklarasaun ida mós tenki ho onestu, tamba aban bairua ne’e, buka ema ne’ebé halo deklarasaun ne’e”, dehan Diretór Jerál.

Rui Manuel Gago Exposto, esplika Ministériu Solidaridade Sosiál no Inkluzaun mós sei hasai xefe família hirak ne’ebé hala’o kna’ar hanesan funsionáriu públiku no empreza ho nia salariu USD500 ba leten, no mós dadus manipulasaun ne’ebé inventa husi xefe suku no xefe aldeia balun.

Lee hotu :   Lian halerik inan faluk Raquela husi laletek Ai-Aras Bobonaro

Relasiona ho prosesu hirak, to’o ohin Ministériu Solidaridade Sosiál no Inkluzaun  seidauk bele fó sai data fiksu ba Autoridade Lokál sira kona-bá pagamentu subsídiu USD100 ba benefisiáriu sira.

Tuir informasaun ne’ebé fó sai husi ministériu ESTATAL, iha loron 22, fulan Maiu ne’e, MSSI hala’o ona pagamentu ba subsídiu ne’e la los, tamba antes atu hala’o pagamentu MSSI sei fó sai uluk data.

Xefe Suku Fatuhada,Marcelino Soares, hatete, Ministériu ESTATAL ho Ministériu Solidaridade Sosiál no Inkluzaun (MSSI), labele fó sala no tau todan ba Autoridade Lokál sira, tamba xefe suku no Aldeia sira aktualiza dadus ba xefe família bazeia ba sirkular ne’ebé mai husi ESTATAL.

Autoridade lokál Suku Fatuhada ne’e mós konsider, servisu entre ministériu rua ne’e, laiha koordenasaun, tamba tuir sirkular Ministériu ESTATAL, ema ne’ebé mai husi munisipiu hodi hela iha Díli iha tempu Estadu Emerjénsia bele rejista, maske seidauk forma uma kain.

“Ne’e sira buka meius atu fó sala ba xefe suku no aldeia  ne’e la hetan boy osan povu nian ne’e hau husu reprezenta tenki mai husi MSSI, ESTATAL, MF, autoridade munisipiu,no postu ami akompaña deit lista ne’ebé ami hatama ne’e sira mak halo avaliasaun  nanti sira mai taka lista ami mós taka semak la hetan sira governu liu Ministériu Administrasaun ESTATAL ho MSSI mak responsabilidade”, lamenta Xefe Suku Fatuhada Marcelino Soares.

MSSI sei halo pagamentu  tuir dadus sensus uma kain 2015 no sensu agrikola inklui aktualizasaun dadus iha tinan ne’e nian. Dadaun ne’e dadus sensu uma kain tinan 2015 hamutuk 204Mil  resin, no dadus sensu agrikola iha tinan 2019  total 213 Mil lá inklui aktualizasaun dadus iha tinan 2020.Tos

Add to Comments Here!!!!

error: Content is protected.
Secured By miniOrange
You might also like:
PNTL halo investigasaun ba patrimóniu estadu ne’ebé hetan estragus iha PN

Polísia Nasionál Timor-Leste (PNTL) liu hosi...

MNEK: TL adere ba ASEAN iha prosesu

Ministru Negósiu Estranjeiru no Kooperasaun (MNEK),...

Rekopera ekonomia TL durante pandemia COVID-19, Austrália apoia orsamentu millaun 7

Governu Timor-Leste (TL) sei selebra akordu...

Close