PR Lú Olo haruka ona pedidu estensaun EE ba PN

Xefe Kaza Sivil Francisco de Vasconselos, hatete, Prezidente Repúblika (PR), Francisco Guterres Lú Olo, hafoin simu tiha pedidu husi Governu hodi estende tan Estadu Emerjénsia (EE) iha loron 26 fulan maiu, Xefe Estadu konvoka reuniaun Konsellu Estadu no Defeza hodi estende tan EE ba datoluk  no iha loron ne’e kedan Xefe Estadu sei haruka ba Parlamentu Nasional atu diskute hodi hetan aprovasaun.

“Reuniaun Konsellu Superior Defeza no Seguransa, no hotu ho reuniaun Konsellu Estadu, sira fo sira nia opiniaun konsellu ba Prezidente, agora Prezidente Repúblika prepara hela, atu enkamiña pedidu governu nian ba Parlamentu Nasional, mak sei diskute, atu desidi autoriza ou la autoriza tuir kompetensia Parlamentu Nasional”,dehan Xefe Kaza Sivil ba Jornalista sira Tersa (26/05/2020) iha Palásiu Prezidensial Nicolau Lobato Bairo  Píte, Díli.

Francisco Vasconselos salienta, públiku mak sei hatene desizaun final ba estensaun EE, Prezidente Repúblika mak iha kompetensia tomak,  rona konsellu sira ne’e hotu, iha posibilidade Prezidente Repúblika atu enkaminha ba parlamentu nasional, atu deskuti tuir ajenda iha Parlamentu Nasional.Oly