Traballadór lita store deskorda kompañia ko’a saláriu 50% iha EE

Trabalhadór husi lita store deskorda ho dezisaun kompañia nian ne’ebé ko’a salariu ho 50% iha situasaun Estadu Emerjénsia (EE).

Kona-ba situasaun ne’e traballadór husu ba kompañia atu bele esplika ba traballadór sira, nune’e sira bele komprende, tanba antes ne’e parte kompañia deklara ona ba sira, katak mesmu traballadór la hala’o knar durante Estadu Emerjénsia.

Empreza promete sei selu salariu ba traballadór mantein ho pursentu atus ida (100%) maibé, kompañia la aplika sira nia promesa.

“Ami mai SEFOPE tanba ami duvidas kona-ba ami nia salariu ami nia salariu foin dadauk deklara iha ami nia jeneral umum hateten katak traballadór ne’ebé tama serbisu no latama serbisu kompañia prontu para atu selu maibé to’o ikus ami simu ami nia salariu ami ne’ebé latama loron ida kompañia koa ne’e mak ami duvidas, tanba ne’e ami hakarak jestór sira esplika lolos tanba saida maka nia deklara iha media katak atu selu traballadór ida ne’ebé latama no tama maibé ami sira tama falta deit loron ida no rua”, deklara, Portavoz Traballadór Lita Store, Alberto da Costa, ba GMN iha SEFOPE, Segunda (04/05).

Hatan ba kestaun ne’e, Xefe Rekursu Humanu Lita Store, Georgina da Silva razaun kompañia koa salariu traballadór sira ni’an, ho razaun tamba kompañia fahe traballadór,serbisu tuir orariu kada ekipa tama semana rua-rua nia laran, ho nune’e kompañia selu salariu ho pursentu 50.

 “Ami nia parte 3 ida latama liu, shift karik fahe orariu ka fahe serbisu ba malu semana-semana ou loron loron troka malu no ida full, hanesan ha’u hatan katak, ho ida latama liu selu ka selu depois ita haree sei haree tama buat tolu ne’ebé ha’u hatete ida latama serbisu tanba sira nia hakarak mak la mai la’os kompañia mak suspende sira la’os kompania mak suspende sira tanba Estadu Emerjénsia ejize ba kompañia ne’ebé faan sasan labele taka ba públiku, ida ne’ebé mak latama ami nia desizaun katak sei la simu salariu tanba sira rasik maka lakohi”,hatan, Xefe Rekursu Humanu, Georgina da Silva.

Xefe Departamentu Rekursu Humanu ne’e, haktuir mesmu traballadór balun latama serbisu iha situasaun atual, maibé empreza sei la hasai sira nia traballadór.

Georgina informa, durante iha situasaun Estadu Emerjénsia kompañia fasilita ekipamentu ba traballadór sira hanesan maskra luvas inklui be’e no sabaun ba sira.Ina