Xefe Aldeia 03 Fatuhada husu MAE hadia saláriu LK

Xefe Aldeia 03,  parte Fatuhada, Jeferino Bras, husu Ministériu Administrasaun Estatal (MAE) atu hadia saláriu Lideransa Komunitária (LK) sira nian, tanba la tuir kritériu saláriu minimu  Governu nian. 

Jeferino Bras hato’o nia preokupasaun ne’e relasiona ho saláriu ne’ebé Xefe Aldeia sira simu kada fulan dolar atus ida de’it.

“Ha’u husu ba Ministériu Estatal atu fo atensaun ba ami nia salariu ne’ebé minimu tebes tanba la tuir kriteriu salariu minimu ne’ebé governu estabelese ona,no durante ne’e Vice-Ministro Estatal la preokupa ho salariu Xefe Suku Xefe Aldeia  delegadu no lia nain sira nian atu kria lei ruma hodi lori ba Parlamentu Nasional atu aprova nune’e Autoridade lokal sira mos bele simu salariu tuir estandar governu nian hateten Zeferino Bras ba GMN iha Fatuhada Dili Sabadu (09/05).

 Autoridade lokal mos husu ba politiku na’in sira atu labele ko’alia arbiru iha fatin de’it maibé tenki la’o tama sai bairo sira hodi haree kondisaun real  povu nian durante estadu emerjensia ne’e.

     “Ami husu ba politiku sira labele garaganta deit iha fatin maibe tenki tama sai bairu hodi hare povu nia kondisaun moris ne’e susar duni ka lae maibe nai ulun sira ne’e di’ak tanba sae kareta luxu uma di’ak kaer telefonhi mesak di’ak ne,ebe la sente hamalaha ida tanba buat hotu estadu mak oferese informa Zeferino.

Suku Fatuhada kompostu husi Aldeia 5 mak hanesan Zero Un Mata Ruak ho xefe familia 360 resin Aldeia Zero Dois Bedik Xefe familia 375 resin lima Zero Tres Luru Mata 1.800 Zero Kuatro Marconi Atus 600 Zero Sinco Behoris 248.aba