JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ema deskoñesidu estraga estatua Nain-Feto iha Parókia Bekora

Ema deskoñesidu estraga estatua Nain-Feto iha Parókia Bekora

Estatua Nossa Senhora de Lurdes iha Parókia Bekora hetan estragus  husi ema deskoñesidu sira.

Tuir informasaun Polísia aktu krime  ne’e, akontese Sesta (05/06/20) kalan  mais ou menus tuku 10  oras Timor-Leste,   iha gruta Parókia Bekora Díli.

Ema deskoñesidu harahun Estatua Nossa señora de Lurdes, nia liman  ne’ebé mak taka iha parte hirus matan rahun hodi ba soe hela iha gruta kotuk.

Hafoin iha Sabádu (06/06/20) dadersan,  seguransa  ne’ebé mak koloka iha Sagrada Kurasaun de Jesus, foin informa Amu Paroko Bekora  Domingos  Maubere, ba hiit estatua ne’e,  akompaña husi sarani Bekora no autoridade seguransa hiit estatua refere,  lori ba tau iha uma-laran,  sarani sira hodi hasae orasaun.

Liu husi akontesimentu ne’e, Amu Paroko Bekora Domingos  Maubere, seidauk dun ema ruma, maibé  Amu ne’e dehan,  akontesimentu ida ne’e hanesan prova ida,   atu hasae liu tan devosaun  domin ba Nain-Feto.

“Buat sira akontese  bainhira ita tau estatua  sira  iha liur, iha área livre  ita iha risku, risku ne’e animal bele halo monu ka ema ruma,  buat sira ne’e risku hotu, naran ema bele hanoin a’at, sira ne’ebé hanesan fiar la  hanesan ou ema hanoin buat seluk bele hatudu hanesan ne’e”,esplika Amu Paróko Bekora Domingos Maubere, ba GMN Sábadu (06/06/20) iha rezidénsia  Bekora.

Amu ne’e dehan, akontese sira hanesan ne’e hatudu prova ida atu hasa’e devosaun.

“Ne’ebé baa mi hanesan reflesaun, para nune’e ami bele hatudu liu tan ami nia devosan domin ba  ita nia  Nain-Feto, tanba Nain-Feto iha gruta ne’ebá ami liu-liu de’it, ami ladun ba reja iha   ne’ebá karik mak akontese buat sira hanesan ne’e”,dehan Amu Domingos Maubere.

Lee hotu :   SIJK alerta ba populasaun munisípiu tolu labele hakat liu fronteira

Wainhira akontese tiha kazu ne’e,  Polísia Eskuadra Cristo-Rei to’o iha fatin  refere lori  sasin na’in hat, kompostu husi  Timor oan na’in tolu no sidaun Indonézia ida,  hodi submete ba iha prosesu investigasaun.

Sasin Leonardo Mendonça hanesan seguransa privadu  Sagrada Coração de Jesus, hateten,  hafoin akontese kazu ne’e iha tuku Sanulu resin ida, kalan nia haree gruta ahi nakukun hela.

“Tanba ne’e ha’u  hakat   ba gruta hodi loke ahi maibé nia hakfodak, wainhira nia hare’e  estatua Nai-Feto laiha tiha ona iha gruta-laran. Husi akontesimentu ne’e ha’u la haree ema ruma iha ne’ebá”,dehan Leonardo Mendonça.

Alende ne’e Komandante PNTL munisípiu Díli Superintendente Xefe Armando Monteiro, hateten, sei la tolera ema ne’ebé mak involve iha  aktu krime ne’e.  Tanba ne’e Armando promete sei investiga klean hodi hetan autor ba kazu ne’e.

“Ita labele tolera tanba ida ne’e akontese liga mós ba  ita nia asuntu fiar nian,  tanba ne’e mak kazu ne’e sensetivu oituan fó tempu mai ami lai hodi buka no investiga aútor sira ne’ebé mak involve iha aktu ida ne’e”,dehan Armando Monteiro.

Administradór Postu Administrátivu Cristo-Rey Gaspar Da Silva, senti tristi ho akontesimentu ne’e, nia husu ba autoridade seguransa atu loke prosesu investigasaun hodi autor  ne’ebé mak harahun estatua refere.

“Hanesan Timor oan ida ita tristi, hanesan Timor oan  95% relijiaun Katoliku, ne’ebé atetude ida ne’e hatudu ita nia dignidade iha internasionál katak  ita ne’e maiória 95%, maibé kuaze  ita nia fiar ne’e mihis”, dehan Gaspar da Silva.

Alende ne’e estatua Nossa señora de Lurdes, ne’ebé mak tau iha  resintu Parokia Bekora ne’e hahú  iha  tinan 1979.  No  iha fulan Juñu  tinan 2020  foin  hetan estragus.avi 

Add to Comments Here!!!!

error: Content is protected.
Secured By miniOrange
You might also like:
Komemora loron mundial ai-han seguru, ekipa konjunta prende hahán no bebida liu prazu

Ekipa konjunta, entre Autoridade Inspesaun Fiskalisasaun...

BNCTL transfere osan subsídiu ba Postu Administrativu 61

Banku Nasional Komersiu Timor- Leste (BNCTL-sigla...

Komemora loron mundial ai-han seguru, ekipa konjunta prende hahán no bebida liu prazu

Ekipa konjunta, entre Autoridade Inspesaun Fiskalisasaun...

Close