JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana halo asaun karidade iha munisípiu Lautem-Baucau

Xanana halo asaun karidade iha munisípiu Lautem-Baucau

Abitante munisípiu Baucau no Lautem sente kontente bainhira líder karismátiku Kay Rala Xanana Gusmão halo asaun karidade no hakat ba sira-nia aldeia no suku.

Entretantu líder karismátiku ne’e, sente kontente, tanba mai hasoru malu fali ho alin, feton no maun-alin sira ne’ebé agora ferik no katuas ona.

“Ha’u kontente, ha’u bele hakat mai fali iha imi nia fatin, tanba situasaun Corona Virus Diseaase 2019 (COVID-19) halo ema barak hamlaha, hahan laiha”, Xanana Gusmão iha suku Maina I, Lospalos, Sesta (26-06-2020).

Nune’e mós líder karismátiku ne’e, hateten, ho grasa Maromak ni’an, Timor-Oan lubuk ida ho fuan boot soe netik domin ba maluk sira ne’ebé iha problema ba hahan, tanba ne’e, mak kompañia sira mai iha ne’e, hodi fó karitativa ba komunidade, liu-liu avó feto no mane sira iha suku Maina I no Mehara.

Maske Estadu fó ona subsídiu ba uma-kain hotu-hotu, maibé iha Timor ne’e uma kain ida ema 20, tanba ne’e, mak Timor-Oan balun ho fuan boot no laran di’ak lori netik buat ruma mai, hodi fó ba ferik no katuas sira ne’ebé ohin loron hetan susar, tanba ne’e mak hau mai iha ne’e, aproveita hasoru ha’u nia maun sira no hau-nia bin”, dehan Xanana.

Husi sorin seluk, Administradór munisípiu Lautem, Zeferino dos Santos, hanesan reprezentante munisípiu Lautem agradese ba Xanana nia prezensa iha Lautem, hodi halo asaun karidade ba sira ne’ebé kbi’it laiha, tanba durante sira akompaña de’it iha televizaun.

“Sira husu ami, bainhira mak avó mai vizita ami hodi ko’alia ho ami, tanba ne’e, sira iha esperansa boot katak to’o sei mai, realidade agora avó mai duni iha ita-nia leet, ho objetivu ida katak atu halo karidade ba inan-aman sira ne’ebé mak kbi’it la’ek”, tenik Administradór Lautem ne’e.

Lee hotu :   Responde situasaun emerjensia, SEPS koopera ho ajensia internasional

Vise Prezidente Konsellu Veteranus, Faustino dos Santos “Renan Selak”, sente orgullu, ho vizita Kay Rala Xanana Gusmão ni’an mai iha rejiaun 1 ne’ebé nia ístoria funu libertasaun define nu’udr seleiru nasaun nini’an.

“Orgullu boot ba ita boot nia vontade ne’ebé sei la hotu bainhira situasaun difísil ruma mak ita boot nia povu hasoru, ami testamuña nafatin ita boot nia prezensa iha ita boot nia povu nia leet”, dehan nia.

Entreantu alende halo asaun karidade iha munisípiu Lautem, líder karismátiku Kay Rala Xanana Gusmão mós halo iha munisípiu Baucau ba abitante suku Triloca no aldeia Darasula, munisípiu Baucau. nes

Add to Comments Here!!!!

error: Content is protected.
Secured By miniOrange
You might also like:
Xanana: TL ladauk livre husi COVID-19

Líder karismátiku Kay Rala Xanana Gusmão,...

Sérgio Quintas: Líder balun alerjia ho krítika mak hakarak defende-an ho lei kriminaliza difamasaun

Jurísta Timor-Oan Sérgio Quintas, hato’o kestau...

HNGV selebra nia aniversáriu ba dala 17

Hospital Nasionál Guido Valadares (HNGV), selebra...

Close