Asidente tráfegu iha Liquiça, rezulta ema ida mate no ida kanek todan

Asidente tráfegu ne’ebé akontese iha aldeia Nartutu, postu administrativa Bazartete, munisípiu Liquiça, Domingu (26/7/2020), rezulta ema ida mate no ida kanek todan.

Vítima na’in rua ne’e ho naran Francisco Soares idade 42 mate iha fatin no ida kanek todan ho naran Jito da Conceição, tinan 32.

Tuir informasaun husi Komandante PNTL munisípiu Liquiça, Superintendente Umbelina dos Santos Soares, katak, asidente tráfegu ne’e akontese, mais ou menus tuku 09:00 dadersan oras Timor-Leste.

“Depois rona informasaun husi ofisiál ida katak, ema monu ho motor iha área Narutu, depois hetan informasaun husi ofisiál ida ho membru Forsa Rezerva na’in ida, investigasaun na’in rua dezloka ba iha fatin akontesimentu, no informasaun loos vítima ida mate iha fatin, ida kanek todan lori ona ba iha Hospital Nacional Guido Valadares, mate-isin bazeia ba konkordánsia husi família lori kedas ba vítima nia uma iha aldeia Kaimagehou, suku Lauhata, Liquiça. Asidente ne’e akontese vítima ne’e fila husi koalia lia feto foun iha aldeia Kaimagehou atu fila mai Lauhata”, esplika Komandante PNTL munisípiu Liquiça Superintendente Umbelina dos Santos Soares ba GMN horiseik, liu husi WhatsApp.

Motorizada ne’ebé mak soke iha asidente refere ho marka Beat Mutin, sapa matrikula  M 8200 TL.

Enkuantu kona-bá motivu husi asidente tráfegu refere PNTL Liquiça sei promove hela. avi