JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Virgílio: Igreja kontra rituál ne’ebé dada ses ema husi dalan los

Dom Virgílio: Igreja kontra rituál ne’ebé dada ses ema husi dalan los

Arsebispu Metropolitanu Arkidioseze Dili, Dom Virgílio do Carmo da Silva, SDB, hateten Igreja Katólika firme kontra nafatin serimónia rituál sira ne’ebé halo hodi dada ses ema husi dalan los.

Líder máximu Dioseze Díli hato’o lia hirak ne’e hafoin simu vizita Prezidente Parlamentu Nasional, Aniceto Guterres, Kuarta (01/07), iha ninia rezidénsia, Bidau, Lecidere, Díli.

“Sé sarani ruma mak uza kahur buat ne’ebé mak rituál uma-kreda ninia ho rituál ne’ebé lulik ninia, buat hotu hodi destroi ka dezorienta sarani sira husi nia dalan ba sarani ninia ne’e, uma kreda tenki ho nia liafuan atu dehan katak,sarani la la’o iha dalan ne’ebé los ne’e duni ita inventa ritu ruma ne’ebé tuir ita nian atu atrai ema atu hadok ema husi Maromak nu’udar Bispu nu’udar uma kreda hau tenki hatete ida ne’e dehan la los, ita tenki buat ne’e atu la’o dalan los”, hatete Arsebispu Dioseze Dili, Dom Virgílio do Carmo da Silva, SDB.

Dom Virgílio, apela ba sarani sira ne’ebé hala’o serimónia rituál oin-oin, ne’ebé kahur ho rituál uma kreda nian ne’e, igreja konsidera la los, tamba influensia ema atu la’o ses husi dalan sarani Katólika nian no husu ba sarani sira atu labele monu ba influensia oi-oin ne’ebé hala’o husi ema no grupu balun, maibé tenke nafatin kontinua hametin fiar iha ida-idak nia vida moris no iha família.

Responsavel maxímu Dioseze Díli ne’e hatete, bandu  atu ema kahur serimónia rituál oi-oin ho rituál uma kreda nian. Ema ne’ebe kahur rituál oi-oin ho rituál uma kreda nini’an ne’e hatudu fiar ba Maromak laiha ona.

Lee hotu :   SERVE hetan krítika husi públiku

Antes ne’e, mosu kritika husi Amu Domingos Maubere ba Konselleiru Máximu partidu KHUNTO ho ninia grupu ne’ebé halo rituál oi-oin hodi hasai ran ba ema hemu (juramentu), ne’ebé konsidera kontra doutrina igreja.

Maibe bankada KHUNTO hato’o ninia lamentasaun ba kritika Amu Domingos Maubere nian ne’e, tanba la kontra lei kanóniku, li-liu Nai Maromak nia ukun fuan 10 no igreja ninia ukun fuan lima (5). Tos

Add to Comments Here!!!!

error: Content is protected.
Secured By miniOrange
You might also like:
Lere husu líder 74-75 labele halo povu konfuzaun

Xefe Estadu Maior Jeneral Falintil Forsa...

Harii fali meza PN tenke iha rekonsiliasaun entre deputadu sira

Arsebispu Metropolitanu, Dom Virgílio do Carmo...

Problema iha sistema, pagamentu subsídiu porsentu 60 ba kompañia tarde

Institutu Nasionál Seguransa Sosiál (INSS) halo...

Close