JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Husu Padre hasai batina halo polítika, Naimori husu ona deskulpa ba Bispu sira

Husu Padre hasai batina halo polítika, Naimori husu ona deskulpa ba Bispu sira

Konselleiru Máximu partidu KHUNTO, José dos Santos “Naimori” Bucar, hasoru ona Bispu sira hodi husu deskulpa relasiona ho deklarasaun husi deputadu KHUNTO iha Parlamentu Nasionál (PN), Luis Roberto, katak, Padre sira hakarak halo polítika, hasa’i tiha batina hala’o polítika.

Deputadu KHUNTO hato’o deklarasaun ne’e relasiona ho vídeo omília Padre ni’an ne’ebé virál iha Média sosiál (MedSos) kona-bá juramentu partidu KHUNTO nini’an ne’ebé sai polémika iha rai-laran.

“Ha’u fó sai tiha ona, ne’ebé ha’u labele fó sai dalarua no ha’u ba hasoru tiha amu Bispu tiha ona, ha’u iha loron 10 liu ba nu’udár konselleiru husi partidu KHUNTO husu deskulpa ona. Ema hotu dehan labele loos de’it, ita hotu respeita nafatin, tanba ne’e mak nu’udár sarani ne’ebé di’ak ita tenke rekoñese ita nia entidade, hanesan ema sarani buat sira ne’e ha’u hateten ba amu sira mesak sarani sira hotu tenke luta kontra MedSos“, Líder máximu partidu KHUNTO ne’e ba jornalista, Sábadu (18-7-2020), hafoin fó apoiu kadeira atus 400 ba kapela São Cristovão ne’ebé sai hanesan padroeira Kapela Ai-Lele Hun, suku Camea.

Tanba ne’e, Naimori apela ba sidadaun hotu atu luta kontra MedSos, tanba MedSos hanesan beneno ne’ebé estraga estabilidade no destrói nasaun, nune’e ema hotu bele livre no prepara-an hodi lori nasaun ba oin.

Naimori mós klarifika mós katak, kona-bá deklasarasaun deputadu KHUNTO nini’an iha PN, la’ós simu orientasaun husi konselleiru KHUNTO, maibé hanesan deklarasaun individuál.

“Ida ne’e la pertensa ba ha’u no partidu ni’an, ida ne’e deskulpa ne’e la’e, imi haree de’it katak ha’u nia deklarasaun hotu ha’u hakarak kria estabilidade de’it, la’ós ba ema ida, maibé ba ita hotu, tanba ita nia Padre sira luta ba estabilidade, paz no dame, ita kontribui hamutuk ho sira, nune’e nasaun bele la’o ho di’ak”, tenik Konselleiru Máximu partidu KHUNTO ne’e.

Lee hotu :   Asegura finanseiru família no instituisaun, Mate restu 12 Novembru hetan formasaun jestaun kooperativa

Antes ne’e, Konselleiru máximu partidu KHUNTO, José dos Santos “Naimori” Bukar mós dezafia Padre sira atu debate kona-bá juramentu partidu KHUNTO ni’an, tanba tuir Naimori juramentu ne’e hanesan meius ida atu hametin unidade Timor-Oan ni’an. ety

Add to Comments Here!!!!

error: Content is protected.
Secured By miniOrange
You might also like:
Naimori rejeita fó komentáriu kona-bá juramentu partidu KHUNTO

Konselleiru Máximu partidu KHUNTO, José dos...

Komisaun C halo semináriu POFP

Atu halo ezekusaun orsamentu ho transparente...

PNTL sei hala’o operasaun ho skala bo’ot ba kareta-motorizada

Komandante Polísia Nasionál Timor-Leste (PNTL) munisípiu...

Close