JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MSSI verifika ona lista reklamasaun ba subsídiu Governu

MSSI verifika ona lista reklamasaun ba subsídiu Governu

Diretór Jeral Ministériu Solidariedade Sosiál no Inkluzaun (MSSI), Rui Manuel Expostu, hatete MSSI halo ona verifikasaun ba kada família ne’ebé naran tama iha lista reklamasaun subsídiu agregradu família hamutuk 14.175, hosi Munisípiu 10.

“To’o ohin (horseik-Red), ami simu reklamasaun hamutuk 14.175 hosi Munisípiu 10, la inklui Munisípiu Bobonaro ho Rejiaun Administrativu Espesiál Oe-Cusse Ambeno, ba família uma-kain ne’ebé seidauk simu subsídu $200 hosi governu  durante Estadu Emerjénsia”,deklara Rui Manuel Expostu, ba JN-Diário, Segunda (27/07/2020) iha edifísiu MSSI Kaikoli-Díli.

Nia haktuir, reklamasaun ne’ebé MSSI rejista MSSI halo hela verifikasaun ida-idak hodi haree ba tipu reklamasaun sira hosi kada familia ne’ebé tama iha lista hanesan, sira ne’ebé naran rejistu maibé iha lista naran laiha no ida mak dokumentu la kompletu, entaun sira bele halo reklamasaun hodi hetan sira nia direitu.

Nia dehan, dadaun ne’e Munisípiu Bobonaro ho Rejiaun Administrativu Espesiál Oe-Cusse Ambeno mak ladauk finaliza prosesu verifikasaun ba lista reklamasaun.

Rui subliña, bainhira prosesu verifikasaun ba reklamasaun remata ona, MSSI sei haruka ekipa ida ne’ebé envolve hosi Ministériu Administrasaun Estatal (MAE) hodi bele foti desizaun ba lista reklamasaun bazea ba dekretu lei númeru 15 no diploma Ministerial númeru 18.

“Ha’u seidauk bele dehan montante orsamentu hira sei presiza no bainhira mak halo pagamentu subsídiu ba família sira, ne’ebé naran tama iha lista reklamasaun, tanba verifikasaun seidauk remata inklui hosi lista reklamasaun  14.175, la signifika sira atu hetan hotu”,afirma DJ-MSSI.

Nia dehan, posibilidade família balun laiha direitu atu hetan, maibe ida ne’e depende ba tipu reklamasaun ne’ebé iha.

“Ezemplu iha família balun ne’ebé la rejistu dezde inísiu maibé agora mak sira foin reklama ida ne’e ami labele deside, tanba iha dekretu lei númeru 15 hatete rejistu ba uma kain ne’e remata iha loron 8 fulan Maiu”,esklarese Rui Manuel Expostu.

Lee hotu :   Komunidade Lelalai husu MP prosesa kazu asaltu husi Waibobo

Nia hatutan, lista benefisiáriu ne’ebé MSSI haruka ba Ministériu Finansa (MF), hosi Munisípiu 12 inklui Rejiaun Administrativu Espesiál Oe-Cusse Ambeno hamutuk  318.527 mil uma-kain, maibé benefisiáriu ne’ebé simu subsídiu $200 iha deit 229.808 mil i uma-kain no restu hosi ne’e naran tama hotu iha listaa reklamasaun. Fel

Add to Comments Here!!!!

error: Content is protected.
Secured By miniOrange
You might also like:
Membru F-FDTL baku tan ema ida iha Manu-Metan Raihun

Membru   husi Komponente Naval FALINTIL...

Halo polítika investimentu ba nasaun, Eis PR Horta: Governu labele muda ema tun-sae

Eis Prezidente Repúblika (PR), José Ramos...

KHUNTO apoia USD 3200 ba Parókia Nossa Senhora de Graça Laclubar

Konselleiru máximu partidu Kmanek Haburas Unidade...

Close