JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

RNDJK: PR Lú Olo viola konstituisaun tenke rezigna-an

RNDJK: PR Lú Olo viola konstituisaun tenke rezigna-an

Rezisténsia Nasional Defende Justisa no Konstituisaun (RNDJK), deklara ba públiku katak, Prezidente Repúblika (PR), Francisco Guterres Lú Olo, viola konstituisaun, tanba ne’e tenke rezigna-an tuir Estadu direitu demokrátiku.

“Ita hotu akompanha katak, ita nia orgaun 4 viola tiha ona Konstituisaun, komesa husi PR mai iha ezekutivu, lejislativu no mos tribunál. Prezidente Repúblika tenke iha responsabilidade moral atu rezigna-an, tanba ida ne’e ezijénsia husi povu maioria. PR ohin loron nia akompaña transmisaun direta ida ne’e, husu PR nia konsiensia, responsabilidade moral, hanesan Xefe Estadu di’ak liu lalika halo tan povu kolen tan hodi tun mai, di’ak liu rezigna-an entrega fila-fali poder ne’e ba povu mak determina se mak atu kaer ukun. Sé PR iha responsabilidade moral di’ak liu rezigna-an kuandu PR lá responde mak demostrasaun pasífíka sei mosu hasoru PR Lú-Olo. Tempu to’o ona PR tenke rezigna-an entrega fila-fali poder politíka ba povu nia liman atu husik povu rasik deside tuir konstituisaun Artigu 72”, deklara Porta Voz RNDJK, Ángela Freitas, liu husi konferensia ba imprensa, Sesta (17/7/2020), iha iha rezidensia bairu Formoza, Díli.

Grupu Rezisténsia Nasionál Defende Justisa no Konstituisaun (RNDJK), husu ba Prezidente Repúblika (PR) Francisco Guterres Lú-Olo, atu resposta sira-nia petisaun hodi rezigna-an, tanba konsidera viola Konstituisaun RDTL.

“Ita hotu akompanha katak, ita nia orgaun 4 viola tiha ona Konstituisaun komesa husi PR mai iha ezekutivu, lejislativu no mos tribunál. Prezidente Repúblika tenke iha responsabilidade moral atu rezigna-an, tamba ida ne’e ezijénsia husi povu maioria”, hatete porta voz Grupu Resisténsia Nasionál Defende Justisa no Konstituisaun”, dehan Ángela Freitas.

Porta Voz RNDJK ne’e, hateten, organizasaun RNDJK laiha kór partidu polítiku ida, maibe RNDJK kompostu husi povu tomak, komponente hotu ne’ebé mak atu hamriik defende konstituisaun hodi fó ezemplu di’ak ba jerasaun foun sira tuir mai.
“Demonstrasaun sei mosu em quanto petisaun ne’ebé que atu envia ba Prezidente da Repúblika, laiha resposta. Iha ne’e (RNDJK) laiha ema ida politiza, iha ne’e ema hotu hamriik reforsa malu atu defende konstituisaun agora fila-fali ba povu (people power) povu mak deside. Se Prezidente da Repúblika iha responsabilidade moral, di’ak liu rezigna-an para hamutuk atu hadia naksalak sira ne’e”, dehan Ángela Freitas, neébé akompañadu husi veteranu António Ai-Tahan Matak no mos sira seluk.

Lee hotu :   PAMB husu MAP tau prioridade ba produsaun fos hare

Nia dehan, kona-ba asinatura povu nian iha petisaun ne’e konstituisaun mak fó dalan, laiha ema ida inventa.

“Se laiha resposta husi Prezidente da Repúblika mak massa sei tún. Forsa ne’ebé halibur-an iha RNDJK ne’e komponente hotu ne’ebé que iha rezistensia nia okos hanesan sidadaun. Karta petisaun ne’ebé sei hato’o husu Prezidente Repúblika labele lori tempu estuda. Se lori tempu estuda tinan rua tan to’o nia mandatu remata, entaun Prezidente Repúblika, gagal total. Ba intelektuais, partidu politiku, ONG, relijiozu, lia-nain, joven sira atu sai forsa ida de’it, atu hamriik dala ida tan atu defende konstituisaun. Ami espera katak, Prezidente da Repúblika labele estuda tan to’o gagal ba dalarua. Ami sei hato’o petisaun ba PR atu komprova ba mundu katak rezisténsia iha responsabilidade, iha maturidade polítika atu hasoru, atu lori, atu envia surat petisaun ne’ebé ami preparadu atu haruka ba Prezidente da Repúblika. Surat petisaun ne’e ami sei husu ba povu tomak atu bele asina, tanba ne’e duni sei lori tempu. Asina tiha petisaun ida ne’e mak sei entrega ba PR. Tanba konstituisaun baze fundamentu ba ita, ita presiza respeita povu nia direitu ne’ebé que depozita iha eleisaun”, tenik Porta Voz ne’e.

Ángela Freitas mos sente la di’ak kuandu partidu kiik-oan sira mak “nakdedar moris” ba forma fali Governu no hetan ai-tonka husi partidu FRETILIN ne’ebé konstituisaun la hakerek hanesan ne’e.

“Ita haree de’it partidu ne’ebé ho asentu 8 (PLP), asentu 5 (KHUNTO) mak hamutuk forma Governu, entaun ita la presiza ona ba eleisaun. Partidu maioria mak ukun, agora partidu kiik oan rua mak halai hamutuk ba forma fali Governu? Ida ne’e la loos! E pior liu mak FRETILIN ba halo ai-tonka hodi viabiliza Governu. Tuir loloos labele, hodi VIII Governu nia ukun ida ne’e la’o sabraut, gasta de’it osan povu nian hodi habokur governante sira”, dehan Ángela Freitas.

Lee hotu :   Montana Diak abandona projetu iha UEP

Husi inísiu  Governu da-ualu forma husi koligasaun Aliansa Mudansa ba Progresu (AMP) ne’ebé kompostu husi partidu tolu mak hanesan, CNRT, PLP no KHUNTO, maibé koligasaun AMP ne’e nakfera, hafoin partidu CNRT vota abstensaun ba Orsamentu Jeral Estadu (OJE) tinan 2020 iha Parlamentu Nasional (PN).

Nune’e, Prezidente Repúblika, fó fiar ba partidu polítiku sira atu mobiliza malu hodi buka konsensu hodi forma Governu, entaun koligasaun lideradu Kay Rala Xanana Gusmão kompleta rekezitu hodi ba hasoru Prezidente Repúblika, atu nune’e, bele forma Governu foun. Maibe koligasaun lideradu Xanana ne’e, PR Lú Olo, la foti desizaun ruma no deklara ba públiku katak, nia sei estuda lai. Nune’e, to’o ikus mai bolu fali partidu FRETILIN, PLP no KHUNTO mak ba hamutuk hodi forma VIII Governu, iha ne’ebé tuir lolos ne’e la eziste ona tuir Primeiru Minstru, Taur Matan Ruak, hatete katak, Aliansa Mudansa ba Progresu ne’ebé forma VIII Governu, CNRT baku mate tiha ona no nia hakoi tiha ona. Maibe to’o agora VIII Governu sei eziste. Tanba hetan ai-tonka husi FRETILIN. Tos

Add to Comments Here!!!!

error: Content is protected.
Secured By miniOrange
You might also like:
Semana oin Governu lori fila traballadór 50, inklui mate-isin Timor-Oan husi Korea

Iha loron (30/07/2020) ne’e, Governu sei...

Governu loke fronteira terrestre, aéro no marítima, COVID-19 sai ameasa bo’ot ba povu TL

Ministra Negósiu Estranjeiru no Kooperasaun (MNEK),...

Komunidade aldeia 30 de Agusto falta bee-moos

Komunidade aldeia 30 de Agosto, suku...

Close