JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

UNE-TL realiza MRKF ba estudante 88 iha ESP 4 de Setembro

UNE-TL realiza MRKF ba estudante 88 iha ESP 4 de Setembro

Prezidente União Nacional Escuteiros Timor-Leste (UNE-TL), Idelta Maria Rodriguês, hateten, programa Movimentu Revolusaun Karakter ba Futuru (MRKF), ne’e importante tebes ba foinsa’e sira, tanba liu husi programa refere bele muda ema nia karakter.

“Programa ida ne’e ami bolu revolusaun karakter ba foinsa’e sira, liu husi edukasaun sidadania i ha’u hanoin katak ida ne’e importante tebes, atu bele prepara ita nia oan sira, ita nia joven sira, ne’ebé mak ohin ita hatene katak joventude milenial, ne’ebé mak ita presiza tau atensaun, tanba ita preokupa joven sira abanbainrua sei di’ak liu joven sira agora, atu sira bele hanoin di’ak ba futuru sira ni’an rasik”, Idelta ba jornalista sira, Sabadu (25/07/2020), iha Escola Sekundariu  Públiku (ESP) 4 Setembru UNAMET, Balide, Díli.

Iha fatin hanesan, Diretór Jerál Sekretaria Joventude Desportu, David Thomas de Jesus, informa, sira iha ona komitmentu hodi fó apoiu ba movimentu refere, tanba ne’e, mak iha fase elaborasaun orsamentu ne’e, sira mós iha ona planu ba apoiu refere.

“Ba tinan oin, ami mós halo ona elabora planu ba 2021, ami mós tau ona verba balun hodi kontinua fó apoiu ba UNE-TL, para atu kontinua halo atividade ida ne’e, no mos hanoin ona katak atividade hanesan ne’e, la’os de’it iha Díli laran, maibé posibilidade ita mós to’o iha munisípiu sira, postu sira, suku sira, tanba sira mós presiza hela atividade sira hanesan ne’e, tanba ne’e, ami hanoin ba oin ami mos kontinua fó apoiu ba movimentu ida ne’e, liu husi UNE-TL”, dehan, David.

Atividade refere halo ona iha eskola 10 iha Díli laran, inklui mós suku neen no tuir planu sei kontinua ba eskola seluk iha Díli laran no mos iha munisípiu. Jen

Lee hotu :   Eis prizioneiru polítiku hari’i OPPLN

Add to Comments Here!!!!

error: Content is protected.
Secured By miniOrange
You might also like:
VMI promete 2021 reforma regra operasionál PNTL

 Vise Ministru Interior (VMI), António Armindo,...

Asidente tráfegu iha Liquiça, rezulta ema ida mate no ida kanek todan

Asidente tráfegu ne’ebé akontese iha aldeia...

MAE inaugura projetu PNDS iha Bobonaro

Ministru Administrasaun Estatal (MAE), Miguel Carvalho...

Close