GMN TV Sosiedade Diákonu Donato simu ordenasaun sai Nai Lulik

Diákonu Donato simu ordenasaun sai Nai Lulik

Sabadu (08/08) fim de semana ne'e, Diákonu Donato de Jesus Marcal, husi Kongregasaun Karmelita simu ordenasaun sai Nai Lulik,  iha Paroquia São Tiago Hera.

Hafoin simu ordenasaun saserdotal, Padre foun Donato de Jesus Marcal, agradese ba ema hotu nia apoiu, tanba ohin loron bele simu ona ordenasaun hodi sai saseluk Nai Maromak ni’an hodi serbisu sarani Katólika.

Padre foun ne’e hateten, loron ohin hanesan pajina foun ida ba nia, hodi hala’o nia knar hanesan Nai Lulik atu serbisu Maromak nia povu.

“Ohin ha’u ordena ona no sai ona Nai Lulik, ohin ha’u hahú ona pajina foun nu’udar vida Nai Lulik husi fuan klean ha’u agradese ba Maromak ba imi hotu ne’ebé ohin akompañia ha’u mai to’o iha nai nia altar santo ida ne’e, Nai Lulik iha iha orden santu ida ne’e maibé ba ha’u la’os rohan ba moris mak asai ona Nai Lulik maibé, ba ha’u grasa espesial ida tan domin Maromak ni’an no imi hotu ne’ebé mak presiza partisipa iha biban ida ne’e hau husu nafatin ita boot sira nia tulun ita boot sira nia suporta ita bo’ot sira nia orasaun hametin ba nafatin no metin ba nafatin nu’udar Kristu nia saseluk Nai Lulik hodi servi Maromak nia povu”, dehan, Padre foun, Donato de Jesus Marcal, iha Parokia São Tiago Hera, Sabadu (08/08).

Iha omília Arsebispu Metropolitana Dili, Dom Virgílio do Carmo da Silva SDB, husu ba bibi-atan ne'e, atu la'o tuir lolos dalan Maromak ni’an, hodi servi sarani Katólika no hadomi mós vokasaun nu’udar Nai Lulik, hodi la’o tuir Jesus Kristu nia ain fatin.

Dom Virgilio do Carmo da Silva, mós kongratula Padre Donato de Jesus Marcal, tanba Maromak konsege hili nia sai Nai Lulik, hodi tuir dalan Maromak ni’an, maske hasoru dezafiu no tentasaun oi-oin, maibé la hamate nia vontade no ikus mai sai duni bibi-atan Maromak ni’an.

“Buat hirak ne’e hotu la destrai nia maske foho no laloran udan no rai lakan boot mai hasoru nia wainhira nia buka hela atu deskobre vokasaun boot ida ne’e klosan oan ida ne’e la rende ita haree ruin oan ida ne’e mós to’os mak ne’e ohin sai razaun ba ita hotu nia ksolok halibur iha ne’e ita nia parabens ba Padre Donato ba nia determinasaun ba nia mehi nia hakarak buat ida ne’e, maske hanesan iha laloran rai lakan ka udan buat oi-oin hasoru mós nia la rende ba oin nafatin”, hakaken, Dom Virgílio do Carmo da Silva SDB.

Nune’e mos, aman husi Nai Lulik foun, Armando Marcal agradese, tanba konsege entrega ona sira nia oan ba Maromak, hodi haklaken Maromak nia lia-fuan ba nia povu, no nia husu, ba ema hotu atu nafatin husu orasaun ba Nai Lulik foun ne’e hodi hala’o  knar Kristu ni’an.

“Ami familia inan aman lori familia husi Suai to’o iha igreja Hera partisipa misa ida loron ohin fulan Agostu, loron 8, ami nia oan ohin ami entrega ona ba Aman Maromak simu ona horiseik-horibainrua ami nia oan sei horik ho ami ba loron ida ohin ami entrega Aman Maromak simu ona atu hala’o kna'ar ho Kristu ni’an ba Aman Maromak nia liafuan, ami ohin agradese tebes ami nia oan ami entrega ona ba Aman Maromak”, agradese husi Aman, padre foun Donato.

Nai Lulik Donato de Jesus Marcal, moris iha Sukabi-Laran-Suai, iha loron 15, fulan Dezembru, tinan 1980, nu’udar oan ba dahuluk husi maun-alin na’in 8. Ina


Banner

Foto

Notisia Ikus

VPPN: Tenke reforma estrutura no lei iha PNTL

June 7, 2021
Vise Prezidente Parlamentu Nasionál (VPPN), Mari...

Xanana: Ha’u mesak labele halo buat ida

June 7, 2021
Eis Prezidente Repúblika, Kay Rala Xanana Gusmã...

Xina apoia vasina Sinovac 100.000 ba Timor-Leste

June 7, 2021
Governu Xina liu husi nia Embaixador iha Timor-Le...

Governu lansa fatuk dahuluk ba konstrusaun Programa Uma Kbi’it Laek iha territóriu nasionál

June 5, 2021
Ministériu Administrasaun Estatal (MAE) hamutuk ...

José Ramos Horta admite recandidatura a Presidência da República

June 5, 2021
O Nobel da Paz José Ramos Horta revelou não ter...
1 2 3 610

About

Lorem ipsum dolor sit amet, consectetur adipiscing elit, sed do eiusmod tempor incididunt ut labore et dolore magna aliqua. Ut enim ad minim veniam.

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker