JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Virgílio: Sarani hotu tenke kumpre regra MS-OMS

Dom Virgílio: Sarani hotu tenke kumpre regra MS-OMS

Arsebispu Metropolitanu Arkidioséze Díli, Dom Virgílio do Carmo da Silva, SDB, husu sidadaun hotu atu kontribui ho seriedade ba regulamentu Ministériu Saúde (MS) no Organizasaun Mundiál Saúde (OMS) ni’an, nune’e bele prevene COVID-19.

Tuir Dom Virgílio, sidadaun sira labele hanoin-an de’it, maibé atu Timor-Leste livre husi pandemia globál ne’e, parte Igreja apela ba sidadaun hotu atu labele tama mai rai laran ho dalan ilegál.

Dom Virgílio hateten, to’o agora Timor-Leste foin iha de’it mákina ventilador ida, tanba ne’e, ema hotu presiza tau kestaun ne’e ho sériu, tanba virus ne’e halakon ona ema barak nia vida iha mundu.

“Ha’u hanoin ita tenke husu duni ba Timor-oan hotu atu hola konsiensia ida ne’e labele hanoin de’it kona-ba ida-idak nia-an tenke hanoin nu’udár nasaun, nu’udár povu tanba moras ida ne’e inimigu ida ne’ebé ita lahatene, tan ne’e husu tebes-tebes ba ita hotu hola konsiensia katak labele hanoin de’it ba ita ida-idak nia-an, maibé hanoin mós ba rai ida ne’e nia di’ak nasaun nia di’ak, ita lakohi atu povu terus tan ho moras ida ne’e, husu ita hotu atu sériu labele halimar”, Arsébispu Arkidioséze Díli hato’o apelu ne’e, hafoin halo abertura ba espozisaun iha Parokia Balide, Ségunda (24/08).

Tuir dadus ne’ebé fó sai husi Ministeriu Saúde (MS) iha loron 20, fulan ne’e, númeru COVID-19 iha Timor-Leste hamutuk 26, husi númeru ne’e na’in 25 rekoperadu no na’in 1 kontinua halo tratamentu iha izolamentu Vera Cruz. Ina

Lee hotu :   Marí Alkatiri: Laiha ema ida bandu ha’u mai fali Oé-cusse

Add to Comments Here!!!!

error: Content is protected.
Secured By miniOrange
You might also like:
Asidente tráfegu, kareta rua rahun no ema lima kanek

Asidente tráfegu iha área kruzamentu Aitarak-Laran,...

MKLKD husu VIII Governu kanséla esbosu LKD

Movimentu Kontra Esbosu Lei Kriminaliza Difamasaun...

Jurista Avelino dezafia Governu foti osan FP liu 3%

Jurísta Timoroan, Avelino Coelho, dezafia Governu...

Close