JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Virgílio simu ona pálio, Dom Norberto: Lori Igreja Katólika hato’o parabens

Dom Virgílio simu ona pálio, Dom Norberto: Lori Igreja Katólika hato’o parabens

Prezidente Konferénsia Episkopal Timorense (PKET), Dom Norberto do Amaral, lori igreja Katólika Timor-Leste hato’o parabens ba Arsebispu Metropolitana Díli, Dom Virgílio do Carmo da Silva, SDB, ne’ebé simu ona pálio.

“Dala ida tan parabens, tanba simu tan servisu todan ida tau ba ita bo’ot nia kaba’as no labele haluhan Igreja Katólika hamutuk ho ita bo’ot. Simu pálio ida ne’e atu hatur símbolu tolu (3) iha ne’eba hanesan unidade komuñiaun no fortaleza, unidade ho Santa Sé iha buat barak ne’ebé sei akontese, tanba futuru Dioseze sei forma tan, entaun tenke iha ida iha leten nu’udár Arkidioseze ne’ebé mai hosi Arku Dioseze seluk iha okos no iha leten bele haree la’o tuir nia dalan ka lae”, afirma Bispo Dioseze Maliana, Dom Norberto do Amaral, hafoin remata misa iha Katedrál, Domingu (23/08/2020).

Iha oportunidade ne’e, Dom Norberto, agradese mós ba Prezidente Repúblika, Francisco Guteres Lú Olo, Prezidente Parlamentu Nasionál (PPN) no membru Governu tomak, ne’ebé partisipa ona iha eventu espesiál ida iha istória Igreja Katólika Timor-Leste ni’an rasik.

“Depois de tinan 80 ita hetan previléjiu atu Timor-Leste bele forma provérbiu eklesástika ida hodi Arkidioseze ida ho nia Arsebispu rasik ida agradese ba ita hotu no agradese mós sarani tomak ne’ebé hola parte iha misa ne’e, atu reza no apoiu nafatin ba Arsebispu atu bele asume nia kna’ár ho di’ak tuir buat ne’ebé regra Igreja Katólika ni’an laran”, afirma Dom Norberto.

Prezidente Konferénsia Episkopál Timorense ne’e haktuir, Dioseze Díli tinan 80 hetan previléjiu bo’ot ida iha selebrasaun misa tinan 80 husi Santa Sé foti Díli nu’udár Dioseze inan ne’ebé hamosu Dioseze rua iha futuru bele aumenta tan, maibé depende ba sira iha leten.

Lee hotu :   Dom Norberto fo korajen ba VII Governu ■Tenki prioritiza nesesidade povu

Maibé ida ne’e atu bele fasilita atividade pastorál sira, nune’e bibi-atan bele besik liu ba bibi sira, maske ohin loron iha bibi balun ne’ebé fuik, ne’e duni ida ne’e atu fasilita de’it pastorál sira atu halo servisu.

Prezidente Konferénsia Episkopal Timorense subliña, Arsebispu tenke haree mós atividade pastorál sira  no haree oinsa sarani nia moris, hodi bele jere ho di’ak tuir Igreja nia hanorin atu bele moris tuir, ida ne’e mensajen uitoan ba Arsebispu ne’ebé foin simu pálio. Fel

Add to Comments Here!!!!

error: Content is protected.
Secured By miniOrange
You might also like:
MOP rekoñese projetu balun promovidu laiha baze legál

Ministru Obras Públika (MOP), Salvador dos...

Dom Virgílio husu sarani hotu reza ba ukun-na’in sira

Arsebispu Dioseze Díli, Dom Virgílio do...

Lere: Ha’u la’ós FRETILIN 2000

Xefe Estadu Maior FALINTIL-Forsa Defeza Timor-Leste...

Close