JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Laleia-Oan la satisfeitu Governu hanaran “Ponte Nelson Mandela”

Laleia-Oan la satisfeitu Governu hanaran “Ponte Nelson Mandela”

Laleia-Oan sira husi grupu intelektual, veteranus, rede klandestina, autoridade lokal no komunidade Laleia, la satisfeitu ho desizaun Governu, ne’ebé hanaran ponte Laleia ho naran Ponte Nelson Mandela.

“Ami la satisfeitu uitoan ho rezolusaun Governu ne’ebé hanaran ponte Laleia ho Nelson Mandela, maibé ami rekomenda ba Governu atu tau naran ponte Laleia mak eroi nasionál, Dom Martinho Lopes da Costa”, dehan Reprezentante Laleia-Oan, Eleutério Sousa, liu husi konferensia imprensa, Sesta (14/08/2020), iha El-Legendariu, Díli.

Reprezentante Laleia-oan ne’e afirma, sira la’os la aseita desizaun governu ni’an, maibe loloOs uza eroi Timor ni’an, liu-liu Laleia-Oan hanesan Dom Martinho.

“Ami la’os la aseita, maibé ami hakarak Governu iha hanoin ida mós katak, Timor iha eroi barak, liu-liu eroi Laleia-Oan hanesan Dom Martinho. Povu Laleia rekoñese antigu Prezidente Áfrika Sul, Nelson Mandela nia kontribuisaun ba rai Timor, maibé sei iha fatin seluk ne’ebé bele tau naran Nelson Mandela,” haktuir Eleutério.

Nia subliña, maske desizaun hanaran ponte Laleia ho Nelson Mandela, ida ne’e rezolusaun hosi Governu, maibé hakarak hato’o de’it rekomendasaun ba Governu karik iha futuru akontese tan hanesan ne’e Governu tenke tur hanoin katak, bainhira deside naran ema ruma ba fatin ida tenke konsulta mós ho rai na’in, nune’e bele fó idea ba malu.

Nune’e mós Xefe suku Lifau, Ciriaco da Costa, hateten, hanesan autoridade la aseita ho desizaun Governu ni’an, tanba ponte refere lokaliza iha Laleia la’os iha nasionál atu ema estranjeiru hotu atu hatene, entaun ida ne’e sai hanesan referensia ba VIII Governu no futuru Governu atu ba oin, bainhira halo obra ruma iha munisípiu tenke koordena karik iha eroi ruma mate iha munisipiu refere, entaun tenke tau eroi nia naran.

Lee hotu :   Grupu Riin Besi-Asu Tali Be Korente konsentra iha Madohi halo komunidade pániku

“La’os ponte tau iha Laleia ikus Governu foti rezolusaun hodi hanaran ponte Nelson Mandela, la’os dehan ami lakohi karik rezolusaun ne’e la’os ona no ami la obriga, maibé ba oin Governu buka hadia-an karik iha konstrusaun balun ne’ebé halo iha munisípiu no postu seluk buka atu koordena, tanba ami nia Dom Martinho la’os ema arbiru, maibé hanesan primeiru Bispu Timor-Leste ne’ebé nia mate iha eskola sira mak tau, maibé realiza iha konstrusaun Governu nia ate agora nia naran seidauk iha”, realsa nia.

Enkuantu, liu husi Konsellu Ministru Kinta loron 7, fulan Agostu, tinan 2020, aprova projetu rezolusaun Governu ne’ebe aprezenta husi Ministru Obras Públika, Salvador Pires, relasiona ho atribuisaun naran ba ponte Laleia ne’ebe lokaliza iha mota Laleia, iha estrada nasional 01, munisipio Manatuto, postu administrativu Laleia. Fel

Add to Comments Here!!!!

error: Content is protected.
Secured By miniOrange
You might also like:
Hapara kontratu, Traballadór kompañia Café Aroma no Casa Vida ezije indemnizasaun

Porta Voz Berta Ornai Neto sente...

Prevene konfrontu, PN husu Governu rejista GAM

Parlamentu Nasionál (PN), liu husi komisaun...

OJE 2021, Governu fó prioriedade ba área haat

Primeiru Ministru (PM), Taur Matan Ruak,...

Close