JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Re-inaugura Katedral Santo António, Bispu Baucau husu sarani sira hafoun-an

Re-inaugura Katedral Santo António, Bispu Baucau husu sarani sira hafoun-an

Bispu Dioseze Baucau, Dom Basilio do Nascimento, husu ba sarani atu hafoun-an ho Uma Kreda foun ne’ebé halo ona re-inaugurasaun no la’o tuir padroeiru Santo António.

Bispu ne’e hakle’an katak, sarani sira labele kontente de’it ho uma foun no festa, maibé ema ida-idak tenke halo reflesaun ba ida-idak nia-an, hodi hafoun moris sarani Katólika no banati tuir Jesus Kristu nia hanorin.

“Ne’e duni hafoun-an buat ne’ebé Uma Kreda husu ba ita no liu husi festa ida ne’e no uma kreda atu oinsa mak ita moris, buat ne’ebé ita halo dau-daun ne’e kona-ba hafoun-an, ohin mós ita iha ne’e sarani Baucau, ita hafoun-an katedral uma kreda ida ne’e, maibé buat importante ida ne’e no buat foun ida ne’e, provoka iha ita la’os de’it ita haree ba uma oan ne’e kapas no furak, uma foun ida ne’e mai dezafia ita hotu hafoun ita nia moris sarani hahú husi sakramentu baptizmu moris foun husi Jesus Kristu hafoun ita nia moris, Parokia Santo Antonio Baucau bainhira hafoun nia Uma Lulik, nia uma orasaun ida ne’e igreja parokial ohin loron hanesan katedral no festa boot ida ne’e mai fó hanoin ita imi hafoun-an hodi halo uma ne’e sai furak loos, maibé Parokianu Baucau imi tenke hafutar-an imi laran no imi nia moris”, Bispu Dioseze Baucau ne’e liu husi omilia, bainhira selebra misa loron Santo Antonio ba dala 825 no re-inaugurasaun katedral Santo António Baucau, Sabadu (15/08/2020).

Dom Basilio kongratula no agradese ba sarani Baucau tomak, tanba durante ne’e servisu maka’as, hodi selebra loron importante ne’e ho susesu.

Lee hotu :   Evita COVID-19 labele daet, SAS sei monta tanki be’e iha fatin públiku hotu iha Díli laran

Orsamentu ba rekonstrusaun Katedral Santo Antonio Baucau ho montante besik USD tokon 12 , parokia refere hahu re-konstrusaun iha tinan 2018 no remata iha tinan 2020, Katedral Santo Antonio Baucau, harii iha loron 19, fulan Marsu, tinan 1917. Ina

Add to Comments Here!!!!

error: Content is protected.
Secured By miniOrange
You might also like:
Bispu Basílio: Joven Baucau-Oan tenke kria paz

Bispu Dioseze Baucau, Dom Basílio do...

Fó impaktu ba ambiente, SEA sei hapara atividade kompañia WENG Enterprise Group

Sekretária Estadu Ambiente (SEA) sei hapara...

La hetan atendimentu ho di’ak, Mosu dezintendimentu iha kuarentena

Sidadaun sira ne’ebé kumpre kuarentena iha...

Close