JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Sidadaun RI lori COVID-19 tama TL, Autoridade lokál konsidera Governu falla iha kontrolu

Sidadaun RI lori COVID-19 tama TL, Autoridade lokál konsidera Governu falla iha kontrolu

Autoridade Lokal sira deklara katak, sidadaun Repúblika Indonézia (RI) ne’ebé lori moras a’at COVID-19 tama Timor-Leste (TL) ne’e, tanba fallansu husi Governu, liu-liu la la halo kontrolu rigorozu hodi trava ema sira ne’e labele tama Timor-Leste tuir hakarak.

Nune’e autoridade lokal husu ba Governu atu monta Falintil-Forsa Defeza Timor-Leste (F-FDTL) iha parte fronteira sira, atu kontrola ema labele tama-sai tuir sira-nia hakarak.

Xefe Suku Fatuhada hato’o lia hirak ne’e relasiona ho sidadun Indonézia ne’ebé hetan moras COVID-19 tama ona Timor-Leste.

Tuir nia fallansu ne’e iha Governu tanba Governu la fó atensaun másimu ba fronteira sira, nune’e sidadaun sira tama konforme sira nia hakarak, tanba ne’e Autoridade ne’e sujere ba Estadu atu koloka forsa F-FDTL iha lina fronteira sira, nune’e bele asegura no evita sidadun sira labele tama konforme sira nia hakarak.

“Atu segura ema labele tama ilegal iha fronteira, tuir ha’u nia hanoin loloos haruka Forsa F-FDTL mak halo vijilansia iha fronteira ne’eba, Polisia sira ne’e haruka asegura de’it situasaun iha rai-laran, tanba ita haree agora ema sai tama iha fronteira terestre ne’e uza dalan ilegal mak barak, maibe ita nia polisia sira ne’e ladun halo seguransa rigorozu hodi fo tempu ema sai tama ilegal hela de’it iha fronteira, iha munisipiu Tolu hanesan Covalima, Bobonaro no Oe-Cusse”, Marcelino Soares  ba GMN iha sede Suku Fatuhada Dili Kuarta (05/08).

Xefe Suku Fatuhada ne’e mos husu ba Governu atu tau kuarantena iha fronteira sira, nune’e wainhira sidadaun sira ne’ebé mai husi rai-liur bele halo kuarantena iha fronteira, labele lori mai iha sidade laran.

Lee hotu :   Regra autorizasaun transporte públiku durante EE daruak “la konsta número serto” ba pasajeiru

“To’o agora Governu halo ona kuarantena iha fronteira ka lae, ita seidauk hatene loloos, maibe atu asegura moras Covid-19 ne’e labele da’et mai Timor-Leste di’ak liu Governu tenke halo kuarantena iha fronteira sira nune’e, wanhira sidadaun sira tama mai tenke halo kuarantena uluk iha fronteira, labele lori tama mai iha ita nia rai-laran hodi fo impaktu la di’ak ba ita nia populasaun sira”, katak Marcelino.

Xefe Aldeia Zero Tres, Zeferino Braz, preokupa ho situasaun iha fronteira sira, tanba fo libre ema tama lori moras mai Timor-Leste. Alende ne’e mos preokupa ho Estadu Emerjénsia ne’ebé Governu atu estende tan fulan ida, tanba situasaun ida ne’e bele afeta povu nia moris atu halo negósiu.

“Governu atu estende tan estadu Emerjénsia tenke hanoin di-di’ak, tanba moras ne’e la’os akontese iha rai-laran, maibe moras ne’e mai husi rai-liur, tanba ne’e, husu ba Governu di’ak liu husu ba parte seguransa sira atu halo seguransa ho maka’as, hodi kontrola ema sira ne’ebé gosta tama sai ilegal”, informa Zeferino.

Enkuantu dau-daun ne’e Timor-Leste rejista ona kazu foun COVID-19 na’in 1, maibe la’os sidadaun Indonézia. aba

Add to Comments Here!!!!

error: Content is protected.
Secured By miniOrange
You might also like:
Sergio Hornai: Ekipa konjunta salva osan Estadu USD 385.400 husi benefisiáriu

Durante halo akompañamentu no monotorizasaun ba...

KSDS-KE deside apoia PR dekreta EE

Asesór Polítiku Palásiu Prezidensial, Gregório Sousa,...

UN-PNUD apoiu treinamentu média PN

Uniaun Europeia (UE) ho Programa Nasoens...

Close