JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Veteranu preokupa BNU ko’a subsídiu kada fulan

Veteranu preokupa BNU ko’a subsídiu kada fulan

Veteranu preokupa Banku Nasionál Ultramarínu (BNU), ko’a subsídiu veteranu sira ni’an kada fulan.

Veteranu Domingos da Silva, hato’o preokupasaun ne’e, relasiona ho BNU ko’a subsídiu dolar tolu nulu sein esplikasaun, maibé sira hatene de’it banku ko’a dolar 2 kada fulan.

Kada fulan veteranu sira simu subsídiu dolar atus rua tolu nulu, maibé, realidade banku fó de’it dolar atus rua.

Tanba ne’e, Veteranu sira husu ba Governu atu bele halo esplikasaun ho lolos ba sira, nune’e labele halo veteranu sira konfuzaun.

“Kada fulan banku ko’a ami nia osan 30 dolar halai ba hanusa ami mós seida’uk hatene ami barak sei konfuzasaun ba ida ne’e, lolos ne’e ami nia 30 dolar ba hatama ida ne’ebé fó klaru ba ami karik kontente oituan, tanba ida ne’e hatama iha ne’e aban bainrua ba ami  nia oan sira ami nia bei oan sira ka ida ne’e ami kontente, maibé ida ne’e durante hanesan ne’e ami nunka la rona buat ida, hatama banku ida ne’ebé ami la hatene kada fulan tenke ko’a 30 dolar maibé ida ne’e ami la hatene, ami preokupa”, Veteranu, Domingos da Sílva hato’o preokupasaun ne’e ba GMN, iha BNU Sesta (28/08).

Hatan ba preokupasaun ne’e, Diretór Banku Nasionál Ultramarínu, Paulo Lopes hatete, sistema ne’e la’os aplika de’it ba veteranu sira, maibé ba kliente hotu BNU ni’an.

Diretór ne’e hatutan, bainhira Veteranu sira deskorda ho sistema ne’e, sira iha diretu muda ba banku seluk ne’ebé sira hili.

“Senti nia valor ki’ik, maibé ne’e la’os ba Veteranus, maibé ida ne’e hola parte iha presáriu banku nian no kulaker transferénsia ne’ebé kliente ida simu iha nia konta, eziste kustu assosiadu sira ne’ebé kobra ho kondisaun determinada, ida ne’e aplika ba Veteranus, funsionáriu públiku sira no kualker kliente, portantu, ida ne’e la’os exklusivu ba sira no nia valor la’os hanesan ita boot mensiona ne’e, maibé nia valor ki’ik ida ne’e los, hanesan ha’u koalia ona, iha balun muda no iha balun kontinua tama mai, tamba ne’e maka iha tinan ida nia laran númeru kliente veteranu iha BNU pratikamente la muda, ida ne’e merkadu livre no ida ne’e diak”, hateten, Diretór Paulo Lopes.

Lee hotu :   Xanana: Estudante sira so’e tempu barak liu ba halimar telefone

Maske kliente barak mak kestiona atendimentu no mós jurus kréditu BNU, maibé ho jurus bo’ot la’os aplika de’it iha banku refere, maibé banku hotu-hotu.

Tuir dadus hatudu veteranu sira ne’ebe loke konta bankária iha BNU tinan 2020 liu rihun 17. Ina

Add to Comments Here!!!!

error: Content is protected.
Secured By miniOrange
You might also like:
PM Taur sauda povu TL selebra referendu ba dala-21

Iha ámbitu selebrasaun Konsulta Popular ba...

Ângela Freitas: ‘Lú Olo’ e ‘Taur’ já não estão em idade ativa

Ângela Freitas, a porta-voz do Grupo...

FONGTIL: Sistema educativo timorense não é eficaz

O Diretor-Executivo do Fórum das Organizações...

Close