Xanana apela Governu fó subsídiu ba estudante iha rai-liur

Eis Prezidente Repúblika, Kay Rala Xanana Gusmão, apela ba Governu atu fó subsidiu husi fundu COVID-19 nian ba estudante Timor-oan sira iha rai-liur, nune’e sira labele ba-mai Timor-Leste, tanba deit moris susar iha ema nia rai.

Lia hirak ne’e, Xanana hato’o, bainhira hasoru malu ho komunidade Suku Mipani, Aldeia Sakato, Postu Administrativu Pante Makasar, Rejiaun Administrativa Espesial Oecusse-Ambeno (RAEOA), Sábadu (29/8/2020).

Tuir Xanana, ho subsídiu ba estudante iha estranjeiru ne’e bele hamenus movimentu tama mai Timor-Leste liu husi dalan ilegál.

“Ita-nia oan sira eskola iha Kupang, tanba osan laiha ona atu selu kos, atu kontinua eskola iha ne’eba, sira barani tama mai (Timor). Ha’u halo apelu ida ba Governu katak, fundu COVID-19 favór ida haruka hela osan ba labarik sira ne’ebé eskola iha Indonézia atu selu sira-nia kos, atu kontinua eskola karik, tanba lae sira labele ona, sira mai hotu, ita bele kuarentena hotu, maibé sira hetan karik, ita susar. Ne’e mak ha’u-nia apelu ba Governu, se ita taka fronteira obrigatóriu no kuarentena, maibé ba ita-nia oan sira estuda iha liur husi fundu COVID-19, ajuda netik ba! Para sira bele eskola nafatin, lalika mai, lori karik COVID-19 mai, ita mate”, Xanana fó aplu ba Governu atu haree kestaun ne’e.

Hafoin hasoru malu, Xanana hamutuk ho Timor-oan balu ne’ebé tau osan hamutuk distribui nesesidade bázika ba komunidade kbiit laek sira no kontinua ba Aldeia Oemolo, Suku Lifau, hodi hala’o misaun ne’ebé ho naran Misaun Prevene COVID-19. Nes