Xanana apela komunidade RAEOA kolabora ho UPF

Unidade Polísia Fronteira (UPF) detein estudante na’in rua ne’ebé hakat liu fronteira husi dalan ilegál. Tanba ne’e, atu evita ema kontinua tama sai ilegál iha fronteira, líder nasionál Kay Rala Xanana Gusmão apela ba komunidade sira iha Rejiaun Administrativu Espesiál Oe-Cusse Ambeno (RAEOA) atu kolabora ho UPF.

Líder karísmatiku, Kay Rala Xanana Gusmão, hatutan, ho pandemia globál COVID-19 ne’ebé hamate ona ema barak, nune’e husu ba komunidade iha fronteira tenke kolabora ho UPF hodi labele tama sai ilegál iha liña fronteira, atu nune’e evita moras aat COVID-19 labele tama Timor-Leste no mós hanesan nasaun independente labele halo atitude sira hanesan ne’e.

Xanana hato’o apelu ne’e, hafoin simu informasaun husi Komandante UPF Kompaña Charly iha aldeia Saben, postu administrativu Oesilo, Domingu (22-08-2020).

Xanana apresia servisu UPF, tanba ne’e, husu nafatin ba komunidade atu kontinua servisu hamutuk no iha komunikasaun entre komunidade ho UPF, hodi hapara ema tama-sai ilegál iha fronteira tuir hakarak.

“Louva atividade servisu UPF ni’an, imi hotu tenke kolabora ho UPF, tanba ne’e imi-nia vida. UPF iha ne’e para proteje imi, mas sira uitoan. Tanba ne’e mak imi tenke koopera, imi tenke kolabora. La’ós mai atu na’ok buat ruma iha imi-nia uma-laran, doko uitoan imi atu koopera ho UPF”, dehan Líder Karismátiku ne’e.

Tuir kronolojia estudante na’in rua ne’e tama mai liu husi dalan ilegál iha área Haukolo no UPF detein iha tuku 4 lorokraik. Estudante na’in rua ne’e ho naran Pascoela Aroma Seran ho idade 20 no Aurélia Catring Seran ho idade 14. nes