JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana prefere naran Ponte Dom Martinho Lopes ba Ponte Laleia

Xanana prefere naran Ponte Dom Martinho Lopes ba Ponte Laleia

Líder nasionál Kay Rala Xanana Gusmão, prefere Governu tau naran ba Ponte Laleia, iha munisípu Manatuto ho naran Ponte Dom Martinho Lopes, la’ós Nelson Mandela. Tanba Dom Martinho Lopes hanesan ema Timor-Oan ida ne’ebé luta mós ba Timor-Leste nia ukun rasik-an.

Komandante em Xefe FALINTIL iha tempu rezisténsia ne’e hateten, Dom Martinho Lopes mak lori dokumentu husi konferénsia reorganizasaun luta iha tinan 1981 ba rai-liur, nune’e atu Timor-Oan sira bele hatene katak, luta iha rai-laran kontinua la lakon.

“Ha’u sente triste uitoan, mas Ponte ne’e iha rai-maran oan ida naran Laleia. Laleia nia oan ida Dom Martinho Lopes iha papél liu iha funu, tanba depois de reorganizasaun iha tinan 1981, laiha dalan atu haruka dokumentu konferénsia Lalini nian ba liur, susar teb-tebes, laiha komunikasaun ho rai-liur ho Radio tanba Alarico Fernandes ho Skylight rende tiha ho membru Comite Central FRETILIN lobuk ida, balu sei moris, ne’ebé ita lakon kompletu ligasaun ho liur. Halo tiha konferénsia iha Marsu, tinan 1981, atu fó hatene ba Timor-Oan sira iha rai-liur servisu do exterior, fó hatene oinsa dalan seidauk iha, klandestina seidauk diak, ha’u hasoru Dom Martinho Lopes iha Mehara, Lospalos, loron-manas hodi ha’u bele entrega dokumentu reorganizasaun funu nini’an ba Dom Martinho Lopes no Dom Martinho konsege haruka ba liur. Dom Martinho Lopes Timor-Oan ida, liu-liu Laleia-Oan ida ne’ebé partisipasaun ninian ida hodi dokumentu konferénsia nian haruka ba liur ne’e importante tebes. Tanba ho simu tiha dokumentu ne’e mak hodi sira iha liur ne’e hatene katak, oooo rezisténsia sei la’o, tanba sira koalia bei-beik katak 50 orang (FALINTIL) di hutan halai ba-halai mai hela, no hahú husi ne’e, Dom Martinho komesa koalia maka’as hodi Indonézia sira espulsa tiha nia ba liur, ne’ebé nu’udár Laleia-Oan mos ha’u sente triste. Iha mota Laleia ne’e, iha rai Laleia ne’e, ha’u sente katak, ita temi katak, justu liu ita fó Ponte ne’e ba Dom Martinho Lopes”, Xanana hato’o lia hirak ne’e hafoin vizita Ponte Laleia iha Segunda (31/8/2020), hafoin fila husi Munisípiu Lautem.

Lee hotu :   KO 25 husu povu Aileu fó informasaun ba istória rezistensia

Entretantu iha loron 7, fulan  Agostu, tinan ne’e, Governu liu husi Konsellu Ministru (KM), aprova ona projetu rezolusaun Governu ne’ebé aprezenta husi Ministru Óbras Públikas, Salvador Pires, relasiona ho atribuisaun naran ba ponte Laleia ne’ebé lokaliza iha mota Laleia iha estrada nasionál A01/ munisípiu Manatuto, postu administrativu Laleia. GMN

Add to Comments Here!!!!

error: Content is protected.
Secured By miniOrange
You might also like:
Camilo: Imposivel Governu ezekuta hotu OJE 2020 fulan rua nia laran

Observadór Polítiku Universidade Nasionál Timor Lorosa’e...

Semana ne’e, RNDJK hala’o asaun kontra PR Lú Olo

Grupu Rezisténsia Nasionál  Defende Justisa no...

Lere la tolera ema halo demonstrasaun hatún PR

Xefe Estadu Maior FALINTIL-Forsa Defeza Timor-Leste...

Close