JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Virgílio kondena foto modelu satanás iha Na’in Feto Ramelau

Dom Virgílio kondena foto modelu satanás iha Na’in Feto Ramelau

Arsebispu Arkidioseze Metropolitanu Díli, Dom Virgílio do Carmo da Silva, SDB, kondena aktu husi ema deskoñesidu ne’ebé hasai foto besik estatua Na’in Feto Ramelau falun oin metin ho tais, halo-an hanesan satanás.

Aktu husi ema deskoñesidu ne’ebé dau-daun ne’e viral iha Média Sosiál (MedSos) la respeita no valoriza fatin sagradu sarani Katólika ni’an, tanba fatin refere halo reflesaun, orasaun no kontaktu pesoál ba Maromak.

“Hakarak konvida sarani oan sira ne’ebé sa’e ba Ramelau ne’e imi haree katak Ramelau ne’e fatin atu harohan ni’an, fatin santu, fatin lulik atu ita ba halo devosaun, maibé ita haree katak mosu sinál sira hanesan ne’e, ne’e duni ha’u haree ida ne’e ba dalarua ona, ne’ebé ita abuza demais ona fatin sagradu ne’ebé ita harii dadauk ne’e. Dezde uluk harii foho santa illas na’in feto ni’an, ita hatene katak Timor-Oan sira ba iha ne’ebá ne’e atu reza no atu hasa’e agradesimentu ba Maromak, ne’e duni sira ne’ebé iha hanoin seluk di’ak liu ba buka fatin seluk. Ne’e duni ha’u nu’udár Bispu iha Díli kondena maka’as aktu ida ne’e no la’ós aktu sarani ni’an”, Arsebispu Metropolitanu Díli ne’e hafoin remata inaugurasaun Kapeliña Santa Ana no Saun Joaquim iha Bidau Santa Ana, Díli, Domingu (13-09-2020).

Tanba ne’e Dom Virgílio, apela ba sarani Katólika tomak tenke matan moris-neon na’in, wainhira vizita santuáriu sira, liu-liu santuáriu Na’in Feto Ramelau tenke ba ho fuan no laran moos, nune’e bele hetan matak malirin.

Arsebispu ne’e mós apela ba seguransa sira ne’ebé halo vijilánsia iha santuáriu ne’e, tenke halo vijilánsia ho sériu, nune’e bele minimiza vizitante sira atu halo aktu sira hanesan ne’e akontese tan iha futuru. san

Lee hotu :   Matebian José mate ho idade 85 husik hela fen ho oan na’in 8

Add to Comments Here!!!!

error: Content is protected.
Secured By miniOrange
You might also like:
Governu presiza aplika pena ba sidadaun tama-sai ilegál iha fronteira

Xefe bankada CNRT iha Parlamentu Nasionál...

Militante KHUNTO ho partidu seluk afilia ba PLP

Porta Voz, Antonio dos Santos Tavares,...

Xanana: Líder Fretilin demagogia iha projetu Kosta Sul

Líder karismátiku Kay Rala Xanana Gusmão,...

Close